Хабарингиз бор, Самарқанд шаҳрида ўтказилган Осиё инфратузилма инвестициялари банкининг (AИИБ) ИХ йиллик сессия йиғилиши доирасида "Микрокредитбанк" AТБ ва Сингапурнинг “Olam Global Agri [Treasury] Pte Ltd” инвестиция компанияси ўртасида 21 млн AҚШ долларига тенг савдони молиялаштириш келишуви имзоланган эди.
Мазкур шартнома асосида яна қўшимча маблағ жалб қилиш юзасидан музокаралар олиб борилмоқда.
Эътиборлиси, мазкур учрашув сабаб “Микрокредитбанк” AТБ Ўзбекистонда биринчилардан бўлиб Сингапурнинг “Olam Global Agri [Treasury] Pte Ltd” инвестиция компанияси билан келишув имзолаган банклардан бўлди.
Қайд этиш жоизки, ушбу битим халқаро молия ва банк консалтинги соҳасида етакчилардан бири бўлган JP Forfaiting LTD Лондон консалтинг компанияси кўмагида амалга оширилди.
Таъкидлаш керакки, ушбу келишув, Ўзбекистон тадбиркорларининг кичик ва ўрта бизнесини ривожлантириш ва савдо алоқаларини мустаҳкамлашга қаратилган бўлиб, бу мамлакатлар ўртасида ҳамкорлик ҳамда иқтисодий муносабатларни янада кенгайтириш имкониятларини очмоқда.
Банк Aхборот хизмати
Яна кўринг
