Банк Бошқарувининг тегишли қарорига мувофиқ, банк Бош офиси ҳамда Тошкент шаҳар Амалиёт бошқармаси бошқа манзилга кўчаётганлиги сабабли, шунингдек, Самарқанд вилояти Жомбой туманидаги аҳоли ва тадбиркорлик субъектларининг банк хизматларига бўлган эҳтиёжини қондириш мақсадида банкнинг хизмат кўрсатиш объектлари сони яна иккитага кўпаяди.
Яъни унга кўра, Амалиёт бошқармаси бошқа манзилга кўчиши муносабати билан унинг мижозларига аввалгидек амалдаги манзилга яқин жойда хизмат кўрсатишни давом эттириш мақсадида Чилонзор тумани Лутфий кўчасида янги «Чилонзор» банк хизматлари марказини ҳамда Жомбой туманидаги аҳоли ва тадбиркорлик субъектларига сифатли банк хизматларини кўрсатиш мақсадида «Кўксарой» банк хизматлари марказларини ташкил этиш белгиланди.
Шуни таъкидлаш лозимки, банк инфратузилмасини янада кенгайтириш, аҳоли ва тадбиркорлик субъектларининг банк хизматларига бўлган эҳтиёжини қондириш, мижозлар базасини ошириш орқали банк молиявий ҳолатини яхшилашга қаратилган чора-тадбирлар бугунги куннинг устувор вазифаси ҳисобланади.
Банк Ахборот хизмати
