Бугун юртимиз бўйлаб барча умумтаълим муассасаларида янги ўқув йили бошланди. Айниқса, минглаб жажжи ўғил-қизлар учун бу кун унутилмас ҳаяжон ва қувончга бой.
Шундай қутлуғ кунда “Микрокредитбанк” АТБ Бошқарув раиси М.Авазов ўзи таҳсил олган Учтепа туманидаги 81-умумтаълим мактабига ташриф буюриб, “Биринчи қўнғироқ” тадбирида иштирок этди.
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
Энг қувонарлиси, тадбир давомида жажжи билимдонларга 12 номдаги ўқув қуролларидан иборат “Президент совғалари” топширилди.
Шунингдек, Бошқарув раиси ўзи таҳсил олган мактаб кутубхонасига 100 дан ортиқ бадиий адабиётлар тўпламини совға қилди. Бу эзгу ташаббус ёш авлоднинг китобга меҳрини ошириш, уларнинг билим ва дунёқарашини кенгайтиришга хизмат қилади.
Азиз болажонлар, илк қўнғироқ садоси сизларни буюк орзулар, ёрқин келажак ва улкан марралар сари бошласин!
Маълумот ўрнида: Жонажон Ўзбекистонимиз мустақиллигининг 35 йиллиги арафасида юртимиз бўйлаб 795 минг нафардан ортиқ биринчи синф ўқувчиси катта ҳаёт сари илк қадамларини қўймоқда.
Банк Ахборот хизмати
Яна кўринг
“Камбағаллик билан ишлаш бўйича” мутлақо янги тизим жорий қилинади!
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
