Илмсиз тараққиёт бўлмайди – жаҳолат саодатманд этмайди. Президентимиз Шавкат Мирзиёев таъкидлаганидек, «Жаҳолатга қарши – маърифат»ни қурол қилсаккина маърифатли, саодатли бўлиб, жаҳолатга қарши кураша оламиз.
Куни кеча МКБАНКнинг Бош офис биносида «Жаҳолатга қарши маърифат билан кураш — давр талаби» мавзусида маънавий-маърифий суҳбат бўлиб ўтди.
Тадбирда Банк Бошқарув раиси ва Бошқарув раиси ўринбосарлари, Бош офис ходимлари, ҳудудий бошқармалар ва филиаллари ходимлари иштирок этишди.
Мазкур давра суҳбатида Дин ишлари бўйича қўмита раисининг матбуот котиби – Ахборот сиёсати масалалари бўйича маслаҳатчиси Илҳом Маърупов ўз маърузаси билан қатнашди.
Тадбирда дин, аслида, тинчлик ва эзгуликни тарғиб қилиши, диндан турли нопок мақсадларда фойдаланишга йўл қўймаслик ҳамда ёшларимизнинг диний, дунёвий, аҳлоқий ва илмий салоҳиятини юксалтириш, маънавий ва диний ақидапарастликнинг ҳар қандай кўринишларининг олдини олиш, юрт истиқболи учун садоқат ва тинчликни асраш билан боғлиқ жиҳатларни шакллантириш каби мавзулар ҳақида сўз борди.
Шунингдек, давлат томонидан виждон ва эътиқод эркинлиги, диний ва дунё илмларини бирдек ўрганиш борасида олиб борилаётган ислоҳотларга ҳам тўхталиб ўтилди.
Тадбир якунида иштирокчилар ўзларини қизиқтирган саволларга жавоб олишди.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
