"Mikrokreditbank" maktab o'quvchilari o'rtasida moliyaviy savodxonlikni oshirishda faol ishtirok etib kelmoqda. Xususan, bugun bank mas'ul xodimlari tomonidan poytaxtimizdagi 162- sonli umumta'lim maktabida “Bankirlar sabog'i” mavzusida amaliyot darsi tashkil qilindi.
Bank xodimi tomonidan taqdimot tarzida o`tkazilgan darsda bank faoliyati, ishlash tamoyillari, xodimlarning vazifalari haqida ma`lumot berildi.
Bundan tashqari o`quvchilar “Mikrokreditbank” tarixi bilan tanishib, uning bugungi kundagi faoliyati hamda xizmatlari haqidagi kerakli tasavvurlarga ega bo`lishdi.
O`quv amaliy darslarini yuqori sinflar orasida o`tkazilishi ularning kelajakda munosib kasbni tanlashlariga katta turtki bo`ladi.
– Bugungi kungacha meni bank tizimi haqidagi bilganlarim bilmaganlarimdan ko`p ekan. "Mikrokreditbank" xodimlarining bugungi darsi orqali ko`pgina ma`lumotga ega bo`ldim, – deydi, 9-sinf o`quvchisi Malikabonu Choriyeva. – Bankning bizga yaratib berayotgan imkoniyatlari haqida to`liq ma`lumot berishdi. Ya`ni kelajakda men o`zimni shaxsiy biznesimni boshlamoqchi bo`lsam, menga qanday imtiyozlar yaratib berilishini bilib oldim.
Amaliy dars so`ngida bank xodimlari yoshlar ma’naviyatini yuksaltirish, ular o‘rtasida kitobxonlikni keng targ‘ib qilish maqsadida o`quvchi yoshlarga Abdulla Qodiriyning “O`tkan kunlar” asarini sovg`a qilishdi.
Bu kabi amaliyot darslarini muntazam ravishda tashkil etib borish rejalashtirilgan.
Bank axborot xizmati
Яна кўринг
Германия жамғарма кассалар фонди билан ҳамкорликда тренинг ташкиллаштирилди
Бугун Микрокредитбанк AТБ ҳамда “German Sparkassenstiftung for international cooperation” ҳамкорлигида банк ходимлари учун интерактив семинар ташкиллаштирилди.
Микрокредитбанкда бизнес ва лидерлик бўйича семинар бўлиб ўтди
Жорий йилнинг 26 май куни банк тизимида халқаро эксперт Моника Пиккер лекторлигида "Бизнесни ташкил этишнинг муҳим омиллари ва лидерлик сифатлари" мавзусида семинар ташкил этилди.
Олимпиадада ғолиб бўлган талабалар банкка ишга қабул қилинади
Олимпиада ғолиблари ноутбук, планшет, смарт соат ва эсдалик совғалар билан тақдирландилар.
