"Микрокредитбанк" АТБ ва Жаҳон банки гуруҳига кирувчи Халқаро инвестициялар кафолати агентлиги (МИГА) ўртасида 109,3 млн. Евро эквивалентида маблағлар жалб қилиш бўйича муҳим халқаро молиявий битим имзоланиши кутилмоқда.
МИГАнинг расмий манбаларига кўра, агентлик томонидан Микрокредитбанк учун 109,3 миллион Евро эквивалентида савдони молиялаштириш (траде финанcе) кафолати тақдим этилади.
Мазкур халқаро кафолат банкка ташқи молия бозорларидан янги маблағларни жалб қилиш имконини беради ҳамда кичик ва ўрта бизнесни молиялаштириш, экспорт-импорт операцияларини қўллаб-қувватлаш каби устувор йўналишларга йўналтирилади.
Ушбу халқаро битим "Микрокредитбанк" АТБнинг хорижий инвесторлар ва халқаро молиявий институтлар олдидаги ишончини мустаҳкамлаш йўлида яна бир муҳим қадамлардан бири бўлди.
Микрокредитбанк халқаро молия оламида янги имкониятлар эшигини очиш йўлида фаол ҳаракатдан тўхтамайди.
Банк Ахборот хизмати
Яна кўринг
Тарихий қадам: MIGA кафолати остида халқаро инвестицияларни жалб қилинди
