Ijtimoiy tarmoqlarda “Kafillik kafangadolikmi?” sarlavhali material berildi. Unda YaTT Salomov Аzizjonga Mikrokreditbankdan kredit olishida kafil boʼlgan Maxsudjon Maxmudovning eʼtirozlari bayon qilingan. Ushbu muammoli vaziyat bank mutaxassislari tomonidan oʼrganib chiqildi.
Аniqlandiki, “Mikrokreditbank” АTB Rishton filiali tomonidan yakka tartibdagi tadbirkor Аzizjon Salomovga 2019-yil 26-iyun kuni 36 oy muddatga yillik 8 foiz ustama toʼlash sharti bilan 25 million soʼm imtiyozli kredit mablagʼi ajratilgan. Kredit taʼminoti sifatida Maxsudjon Maxmudov kafilligi taqdim etilgan.
Bank xodimlarini bir necha bor ogʼzaki va yozma ogohlantirishlariga qaramasdan YaTT Salomov Аzizjon muntazam ravishda kredit toʼlovlarini amalga oshirmaganligi sababli 2021-yil mart oyida Fuqarolik ishlari boʼyicha Rishton tumanlararo sudiga daʼvo arizasi kiritilgan. 2021-yil 26-aprel kuni sudning hal qiluv qarori chiqarilib, unduruv kafillik shartnomasiga asosan qoʼshimcha javobgar Maxsudjon Maxmudov Qobiljonovichning ish haqiga qaratilgan.
YaTT Salomov Аzizjon Gʼanijonovich tomonidan 2021-yil mart oyining oxirida 2,5 mln soʼm mablagʼni bank xodimi Jahongir Raxmonovga kredit toʼlov uchun deb bergan. Unga hisob raqami K-2da 2 538 ming soʼm soliq va boshqa majburiy toʼlovlardan qarzdorliklari mavjudligi, kredit toʼlovi uchun deb topshirilgan puli birinchi navbatda K-2 dagi qarzdorliklariga yoʼnaltirilishi tushuntirilgan.
Shundan soʼng mijoz tomonidan ushbu qarzdorliklar noreal ekanligi, hozircha pulni topshirmay turishini, tez kunda kredit toʼloviga pulni topshirishini aytib ketganicha qaytib kelmagan. Bank xodimi bir necha bor unga telefon orqali qarzdorlikni hal qilib berishini aytgan boʼlsada, shu kunga qadar hisob raqamidagi qarzdorlik bartaraf etilmagan.
Shu sababli mijozning ruhsatisiz kredit toʼlovi uchun bank xodimiga berilgan pul hisob raqamga oʼtkazilmagani aniqlandi.
Fursatdan foydalanib, bank tijorat tashkiloti ekanligini, kredit olishda kafil boʼlish teng javobgar sifatida eʼtirof etilishini, mijozlarga esa olgan kreditlarini oʼz vaqtida qaytarishlari lozimligini yana bir bor eslatib oʼtamiz.
Bank axborot xizmati
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
