Mikrokreditbank olis Uchquduq tumanidagi BXMni rekonstruksiya qildi

Mikrokreditbank ATBning Navoiy viloyati olis Uchquduq tumanida “Uchquduq” bank xizmatlari markazi yangidan rekonstruksiya qilinib, oʼz faoliyatini boshladi.

BXMdagi malakali bank xodimlari tomonidan yuridik va jismoniy shaxslarga barcha turdagi bank va konsalting xizmatlari koʼrsatiladi.

Ta'kidlab o‘tish joizki, mijozlarga qulay hamda samarali xizmat ko‘rsatishda rekonstruksiya qilingan hamda innovatsion jihozlar bilan ta'minlangan binoning ahamiyati katta.

Hozir axborot texnologiyalari asri, har bir soha faoliyatini shu tizim bilan uygʼun holda davom ettirishi talab etilmoqda. Bu borada Mikrokreditbank tomonidan ham transformatsiya jarayonlari boshlangani, bir qator xizmatlarda inson omilining kamayishi yoki butunlay olib tashlangani, eng muhimi mijozbay ishlash tizimini yoʼlga qoʼyish natijasida qator qulayliklar yaratayotganini eʼtirof etish lozim.