“Mikrokreditbank” АTB Oʼzbekiston Respublikasi Prezidentining 2022-yil 28-yanvardagi “2022-2026-yillarga moʼljallangan Yangi Oʼzbekistonning taraqqiyot strategiyasi toʼgʼrisida”gi PF-60-sonli Farmonining 2.253-, 2.254- va 2.310-bandlarida belgilangan vazifalar ijrosi yuzasidan quyidagilar maʼlum qilinadi.
Farmonning 2.253-bandida xotin-qizlarni tizimli qoʼllab-quvvatlash borasidagi ishlarni yanada jadallashtirish yuzasidan bir qator topshiriqlar belgilab berilgan.
Jumladan, 2021-yil davomida bank filiallari tomonidan oilaviy tadbirkorlikni rivojlantirish dasturlari doirasida 846,5 mlrd. soʼm imtiyozli kreditlar xotin-qizlar tadbirkorligini qoʼllab-quvvatlashga yoʼnaltirilib, 39 676 nafar ishsiz ayollar tadbirkorlikka jalb etildi.
Joriy yilda ham xotin-qizlar tadbirkorligini rivojlantirish boʼyicha loyihalarni moliyalashtirishda bank tomonidan zaruriy choralar koʼrib boriladi.
Shuningdek, Farmon ijrosini taʼminlash maqsadida xotin-qizlar tadbirkorligini qoʼllab-quvvatlash, ularning jamiyat hayotidagi faol ishtirokini taʼminlash yuzasidan Oʼzbekiston Respublikasi Oliy Majlisi Senatining Xotin-qizlar va gender tenglik masalalari qoʼmitasiga Oʼzbekiston Respublikasi Prezidentining “Xotin-qizlarni tizimli qoʼllab-quvvatlash borasidagi ishlarni yanada jadallashtirish chora-tadbirlari toʼgʼrisida”gi Farmoni loyihasiga bank tomonidan 2022-yil 22-yanvarda 05-31/1090-sonli xat orqali tegishli takliflar taqdim etildi.
2.254-bandida “Аyollar daftari”ni yuritish orqali xotin-qizlar muammolarini hal etish tizimini yanada takomillashtirish belgilangan.
Xotin-qizlarga imtiyozli kreditlar ajratish, xotin-qizlarni ishga jalb qilgan holda kooperatsiya usulida tadbirkorlikni yoʼlga qoʼyish, oilaviy tadbirkorlikni rivojlantirish dasturlari doirasida imtiyozli kreditlarni, ustuvor ravishda “Аyollar daftari”ga kiritilgan ishsiz xotin-qizlar bandligini taʼminlashga yoʼnaltirishda zaruriy choralar koʼrib borilmoqda.
Bank tomonidan joriy yilning 11-yanvarida Oʼzbekiston Respublikasi Mahalla va oilani qoʼllab-quvvatlash vazirligiga 04-31/412-sonli xat bilan “Аyollar daftari” orqali xotin-qizlarning muammolarini oʼrganish va hal etish tizimini yanada takomillashtirish toʼgʼrisida”gi qarori loyihasiga tegishli takliflar taqdim etildi.
“Аyollar daftari”ga kiritilgan xotin-qizlarni moliyaviy qoʼllab-quvvatlash boʼyicha belgilangan vazifalar ijrosini taʼminlash nazoratga olingan.
Topshiriqning 2.310-bandida esa hunarmandchilik faoliyatini rivojlantirish boʼyicha vazifalar belgilangan.
Bank filiallari tomonidan oilaviy tadbirkorlikni rivojlantirish dasturlari doirasida 2021-yilda 1 901 nafar hunarmandchilik loyihalarini moliyalashtirish uchun 59,8 mlrd.soʼm imtiyozli kreditlar ajratilgan boʼlib, joriy yil boshidan bugungi kunga qadar esa hunarmandchilik loyihalarini moliyalashtirish uchun 67 ta holatda 2,4 mlrd.soʼm miqdorida imtiyozli kredit mablagʼlari ajratilib, shundan 1,7 mlrd.soʼmi “Hunarmand” uyushmasiga aʼzo boʼlgan 50 nafar hunarmand (kulol) tadbirkorlarga ajratilgan kreditlar hissasiga toʼgʼri keladi.
Oilaviy tadbirkorlikni rivojlantirish dasturlari doirasida Farmonda belgilangan vazifalar ijrosi tizimli ravishda davom ettiriladi.
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
