Жорий йилнинг 6 август куни Самарқанд вилояти, Пастдарғом туманидаги “Пастдарғом ҳақиқати” газетасининг 22-сонида “Касални яширсанг иситмаси ошкор қилади” номли мақола чоп этилган.
Мақолада Пастдарғом туман фуқароси А.Х. “Микрокредитбанк” АТБ Жума филиали масъуллари билан пинҳона тил бириктириб, бир қанча фуқаролар номига кредитлар расмийлаштирилгани ва катта миқдордаги пулларни ўзлаштириб олганлари иддао қилинмоқда.
Ушбу мурожаат бўйича ўрганиш ишлари олиб борилганда қуйидагилар аниқланди.
Aслида, Пастдарғом тумани, Галатут МФЙда яшовчи 18 нафар фуқаро номига микроқарз кредити ажратилмаган. Aксинча, 14 нафар фуқарога жами 397 млн. сўм; шундан 12 нафарига 337 млн. сўм микроқарз, 2 нафарига эса 60 млн сўм истеъмол кредити ажратилган. Ушбу 14 нафар фуқаро микроқарз ва истеъмол кредитлари йиғма жилдидаги барча ҳужжатларга ўзлари банкка келиб, шахсий имзосини қўйган, барча кредит ҳужжатлари мавжуд.
Икки нафар фуқаро (Абдужабборов Сухроб ва Ортиқов Орзу) томонидан олинган 55 млн. сўм кредит маблағлари бугунги кунда тўлиқ сўндирилган.
Бош прокуратура ҳузуридаги Иқтисодий жиноятларга қарши курашиш департаментининг Пастдарғом тумани бўлимига (мижозлар кредит тўловини амалга оширишдан бош тортаётгани, шунингдек, банк ходимларига нисбатан ҳар хил уйдирма, тухмат-бўхтонлар қилиб, бўйин товлаганлиги сабабли) қонуний чора кўрилишини сўраб мурожаат қилинган.
Ҳозирги кунда ушбу мижозларга нисбатдан суриштирув ишлари олиб борилмоқда. Шунингдек, 12 нафар фуқарога жами 342 млн. сўм кредит маблағлари ажратилган бўлиб, шундан бугунги кунда 237,6 млн сўм асосий ва 108,4 млн. сўм фоиз; жами 346 млн сўм муддати ўтган кредит қарздорликлари банкнинг кредит портифелидаги НПЛ (қониқарсиз), яъни ҳаракациз кредитлар мақомига ўтиб қолган.
Бу бўйича Фуқаролик ишлари бўйича Пастдарғом туманлараро судига даъво аризалари киритилган, суд қарори ҳам чиққан. Aйни кунларда кредит маблағлари ундируви бўйича Пастдарғом туман Мажбурий ижро бўлими билан ҳамкорликда ишлар олиб борилаётганлигини маълум қиламиз.
Банк ахборот хизмати
Яна кўринг
Оққўрғон туманида меҳнат ярмаркаси ва ёшлар билан очиқ мулоқот ташкил этилди
Дам олиш кунлари ҳам ишлаймиз!
