Микрокредитбанк тизимида ходимлар билимини мунтазам равишда ошириб бориш мақсадида ўқув семинарлари, малака ошириш курслари ҳамда онлайн ўқитиш тизими йўлга қўйилган.
Жорий йилнинг 21-22 июн кунлари Тошкент молия институти ҳузуридаги молия-банк ходимларининг малакасини ошириш ва уларни қайта тайёрлаш тармоқлараро институтида Микрокредитбанк тизимидаги ходимлар учун малака ошириш дарслари бўлиб ўтди.
Банк Бошқарувининг тегишли қарори асосида ташкиллаштирилган мазкур дарслар икки кунлик аниқ дастурга мувофиқ анаънавий тарзда ўтказилди. Унга кўра, тизимдаги мавжуд раҳбарлик лавозимлари учун захирага олинган ходимларнинг малакаларини ошириш кўзда тутилган.
Дарслар давомида иштирокчиларга тайм менежментнинг замонавий тамойиллари, маълумотлар асосида қарорлар қабул қилиш, банк имижини шакллантиришнинг психологик жиҳатлари, мижозлар билан юзага келадиган мунозарали ҳолатларни бошқариш, инновацион банк хизматларини жорий етиш, тижорат банкларида коррупцияга қарши курашиш ва ходимларда коррупцияга қарши хулқ-атворни шакллантириш каби масалаларда амалий ҳамда назарий тавсиялар берилди.
Ўқув дастури муваффақиятли ўтилгандан сўнг ходимларга махсус сертификатлар топширилди.
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
