Жорий йилнинг август ойида “Кенжа Ботир” телеграм каналида “Микрокредитбанк” АТБнинг Узун тумани филиалидаги банкоматлар ишламаётгани юзасидан мурожаат эълон қилинган.
Унга кўра, фуқаро банкнинг Сурхондарё вилояти, Узун тумани филиалига 6 ой олдин пластик картасидан нақд пул ечиб олиш учун боргани, бироқ банкоматда пул йўқлиги, шундан сўнг бир ойлар олдин яна боргани, бу сафар ҳам банкомат ишламаётгани, икки кун олдин борганида эса банкомат ишламаётгани ҳақидаги эълон ёзиб қўйилганидан шикоят қилган.
Ушбу мурожаат бўйича ўрганиш ишлари олиб борилганда қуйидагилар аниқланди.
Ҳақиқатан ҳам, 8 июль куни “Микрокредитбанк” АТБ Узун филиалига тегишли ушбу Узкард банкоматининг плата ва каретка эҳтиёт қисмлари куйганлиги сабабли техник носоз ҳолатга келган. Шунинг учун, банк мижозлари ҳамда фуқароларни огоҳлантириш мақсадида банкоматнинг техник носозлиги юзасидан эълон ёзиб қўйилган.
Ҳозирги кунда ушбу носоз Узкард банкоматининг эҳтиёт қисми йўқлиги сабабли вақтинча фаолияти тўхтатилганлигини маълум қиламиз.
Банк Ахборот хизмати
Яна кўринг
Банк мутасаддилари Бухородаги ишлаб чиқариш ва агрологистика лойиҳаларини ўргандилар
Дам олиш кунлари ҳам ишлаймиз!
