ҲАР БИР МУРОЖААТ ЭЪТИБОРДА

Сўнгги йилларда юртимизда халқ билан мулоқот қилиш, уларнинг  мурожаатини тинглаш ҳамда ҳал этиш масаласи янги поғонага кўтарилди. Сабиби бу муҳим жараёнга давлатимиз сиёсати, тараққиётнинг бир бўлаги сифатида қаралмоқда. 

Микрокредитбанк раҳбарияти томонидан ҳам аҳоли ва тадбиркорлардан бўлаётган ҳар бир мурожаатга жиддий эътибор қаратилиб, уни ҳал этиш чоралари кўрилмоқда. Бундан ташқари жойларда раҳбарият иштирокида махсус сайёр қабуллар ташкил этилиб, аҳолининг мурожаат ва таклифлари тингланмоқда.  
Мисол учун, жорий йилнинг 7 ойида банк Бошқаруви раиси ва ўринбосарлари томонидан жойларда 9 марта сайёр қабул ташкил этилди. Сайёр қабул жараёнида 132 нафар аҳоли ва тадбиркорлик субъектларининг мурожаатлари тингланди, шундан 128 та мурожаат жойида ижобий ҳал қилинди. 

Шу билан бирга, мурожаатларга ўз ўрнида жавоб берилишини таъминлаш мақсадида, банкда “Call-маркази” фаолияти йўлга қўйилган бўлиб, 90 фоиздан ортиқ мурожаатларга тўғридан тўғри соҳанинг малакали мутахассислари томонидан жойида жавоб берилмоқда. 

Шунингдек, мурожаатларда қайд этилаётган тизимли муаммоларни, хусусан кредитлар ажратиш жараёнини шаффофлаштириш, инсон омилини чеклаш чоралари кўрилди.

Жумладан: аҳоли ва тадбиркорлик субъектларига кредитлар, микроқарзлар, истеъмол ва ипотека кредитларини инсон омилисиз ажратилишини таъминлаш мақсадида, 6 та  онлайн кредит маҳсулоти (“business online”-1,“business online-2”, “ekspress business online-2”,  online-mikroqarz-1, online-mikroqarz-2, online-mikroqarz-3) ишлаб чиқилди ва амалиётга жорий қилинди;

юридик шахслар, шу жумладан хусусий тадбиркорлик субъектларининг кредит буюртмаларини кўриб чиқиш ва расмийлаштириш жараёни шаффофлигини таъминлаш мақсадида, банкда алоҳида “Андеррайтинг хизмати” тизими жорий этилди;

бунда, кредит ҳужжатлари инсон омилисиз махсус дастур орқали таҳлил қилиниб, кредит ажратиш мумкинлиги ёки мумкин эмаслиги тўғрисидаги хулоса электрон кўринишда яратилади.

потенциал имтиёзли кредит олувчилар кредит тарихини инсон омилисиз “скоринг таҳлил” қилиш тизими рақамлаштирилиб, ҳар бир оила тадбиркор дастури доирасидаги имтиёзли кредитларни “Oila-kredit.uz” ягона онлайн платформаси орқали расмийлаштирилиши ва ажратилиши йўлга қўйилди. 

Натижада: 2022 йилнинг дастлабки 6 ойида имтиёзли кредитлар ўз вақтида берилмаётгани юзасидан келиб тушган мурожаатлар сони 1390 тани ташкил этган бўлса, жорий йилнинг мос даврида салкам уч баробарга қисқариб, 539 тани ташкил этди;

Oilakredit.uz ва IABS дастурий таъминоти интеграция қилиниши ҳисобига кредит ажратиш жараёни (эски тизимда: 12 та жараён, вақт сарфи 2,5-3 соат) 3 баробарга ва вақт сарфи 6 баробарга қисқарди.

Умуман олганда, юқорида қайд этилган ишлар амалга оширилиши натижасида, Банк бош офисига келиб тушаётган мурожаатлар сони ўтган йилнинг январь-июль ойларига нисбатан 27 фоизга қисқариб, 2 668 тани ташкил қилди. 

Бир сўз билан айтганда, Микрокредитбанк томонидан аҳоли ва тадбиркорлик субъектларидан бўлаётган мурожаатларга ижобий ечим топиш борасида изчил ишлар амалга оширилмоқда. 

Банк ахборот хизмати