Маълумки, коррупция жамиятнинг ривожланишига қарши қаратилган ҳаракат сифатида ҳар қандай жамият ва давлатда ижтимоий-иқтисодий муаммоларни келтириб чиқаради ҳамда уларни чуқурлаштиришга сабаб бўладиган омил сифатида баҳоланади.
Баъзилар коррупцияни саратон ёки коронавирусга ўхшатадилар, иккала ҳолатда ҳам одамларнинг соғлиғини бузадиган, ресурслар ва ривожланиш имкониятларини йўқ қиладиган, ҳатто умидни йўқ қиладиган ва аҳолининг адолат ва ривожланишга бўлган ишончини пасайтирадиган касаллик, деб билади.
Бугун «Микрокредитбанк» АТБда «Банк тизимида коррупцияга қарши курашнинг ҳуқуқий асослари» мавзусида давра суҳбати бўлиб ўтди. Унда бош офис ходимлари ва ҳудудий бошқармалардаги ходимлар ZOOM орқали иштирок этишди.
Банк бош офисида ташкил этилган тадбир ходимларнинг коррупцияга нисбатан муросасиз муносабатини шакллантиришга, банк ходимлари томонидан коррупцион вазиятларга, жумладан, ноқонуний кредит ажратиш ҳолатларига йўл қўймасликка қаратилди.
Мазкур ўқув семинарида Ўзбекистон Республикаси Адлия Вазирлиги ҳузуридаги Юристларнинг малакасини ошириш маркази доценти, юридик фанлари доктори Рафик Шакуров иштирок этиб, жамиятимизда коррупциянинг салбий оқибатлари, ҳалоллик вакцинаси, коррупцияга қарши курашиш соҳасидаги давлат сиёсатининг асосий йўналишлари, аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш, давлат ва жамият ҳаётининг барча соҳаларида коррупциянинг олдини олишга доир чора-тадбирларни амалга ошириш, коррупцияга оид ҳуқуқбузарликларни ўз вақтида аниқлаш, унга имкон берувчи сабаблар ва шарт-шароитларни бартараф этиш, коррупцияга оид ҳуқуқбузарликларни содир этганлик учун жавобгарликнинг муқаррарлиги ҳақида тадбир иштирокчиларига маълумот берди.
Тадбирда сўз олганлар коррупцияга барча фуқароларимиз, жамият биргаликда курашиб, унинг илдизларини йўқ қилишга киришсагина ижобий натижага эришиш мумкин эканлигини таъкидлашди.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
