“Микрокредитбанк” АТБ Қашқадарё вилояти минтақавий филиали раҳбарияти томонидан банк ходимларини саводхонлигини ошириш, мурожаатларни камайтириш, банк бизнесини ривожлантириш, мавжуд банк хизмат ва кредит турларини тарғиб қилган ҳолда мижозларни, хусусан корпоратив мижозларни жалб этиш, банк фаолиятини самарали ташкил этиш орқали ходимларни молиявий қўллаб-қувватлаш мақсадида ҳар ҳафтанинг шанба куни маъсул ходимлар иштирокида ўқув тренинглари ўтказилмоқда.
Жорий йилнинг 17 сентябрида минтақавий филиал раҳбарияти ва вилоятда хизмат сафарида бўлиб турган Бош банк ходимлари ҳамда вилоятнинг барча филиаллари Кичик бизнес, Давлат дастурлари ва Чакана кредитлар маъсул ходимлари ҳамда БХМ раҳбарлари ва менежерлари иштирокида ташкил этилган биринчи ўқув тренингда банк раҳбарияти томонидан олиб борилаётган трансформация жараёни, банкда юридик ва жисмоний шахслар учун мавжуд барча кредит турлари, кредит ҳужжатларини меъёрий ҳужжатлар талаблари доирасида расмийлаштириш кўргазмали материаллари асосида тушунтирилди.
Хусусан, тренинг давомида Банкнинг ўз маблағлари, Осиё тараққиёт банки, Франция Тараққиёт агентли, Ёшлар саноат зонасида жойлашган лойиҳаларни молиялаштириш учун жалб этилган маблағлар ҳисобидан лойиҳаларни молиялаштириш бўйича батафсил маълумот берилди.
Ўқув машғулоти якунида “Микрокредитбанк” АТБнинг хизмат турлари, кредит линиялари бўйича материаллар, вилоятга белгиланган бизнес режа ва ҲМИ маблағлари ҳисобидан лойиҳаларни молиялаштириш режаси маъсул ходимларга етказилди.
Яна кўринг
Оққўрғон туманида меҳнат ярмаркаси ва ёшлар билан очиқ мулоқот ташкил этилди
Дам олиш кунлари ҳам ишлаймиз!
