Микрокредитбанк мутасаддилари томонидан Бухоро вилоятидаги қатор тадбиркорлик субъектлари фаолияти ўрганилиб, уларнинг ишлаб чиқариш қувватини ошириш ва молиявий эҳтиёжларини қўллаб-қувватлаш масалалари муҳокама қилинди.
Жумладан, Ромитан туманида фаолият юритаётган “Урганжиёнлик Ҳайдар Ота” МЧЖда амалга оширилаётган қишлоқ хўжалиги маҳсулотларини сақлашга мўлжалланган замонавий музлатгичли омборхона лойиҳаси билан танишилди. Лойиҳа доирасида омборхона қувватини йилига 850 тоннадан 1 800 тоннага етказиш, 20 та янги иш ўрни яратиш ҳамда ҳудудда агрологистика инфратузилмасини янада ривожлантириш режалаштирилган.
Шунингдек, банк мутасаддилари Бухоро шаҳридаги “Премиум Наполеон” МЧЖ фаолиятини ҳам ўргандилар. Корхонада 20 нафардан ортиқ ходим меҳнат қилиб, 40 дан зиёд турдаги қандолат ва ширинлик маҳсулотлари ишлаб чиқарилмоқда.
Ўрганишлар давомида корхонанинг тайёр маҳсулотларни харидорларга тезкор ва сифатли етказиб бериш имкониятларини кенгайтириш мақсадида қўшимча махсус жиҳозланган юк автотранспорт воситаларини харид қилиш учун 1 млрд сўм миқдорида кредит маблағига эҳтиёж мавжудлиги аниқланди. Мазкур эҳтиёжни қисқа муддатларда қоплаш ва кредит маблағини ажратиш юзасидан тегишли чораларни кўришга келишиб олинди.
Банк мутасаддилари бундай лойиҳаларни қўллаб-қувватлаш ҳудудларда ишлаб чиқариш қувватини ошириш, янги иш ўринлари яратиш ҳамда тадбиркорликни янада ривожлантиришга хизмат қилишини таъкидладилар.
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
