Улуғ мутафаккир Aлишер Навоий ҳазратлари “Китоб – беминнат устоз, билим ва маънавий юксалишга эришишнинг энг асосий манбаи”, дея таъкидлаган эди. Дарҳақиқат, инсонга китобдан яқин маслаҳатчи, ундан яқин дўст йўқ. Ундан олган билимларимизни умримизни охиригача ҳам сарфлай олмаймиз. Китоб - улкан хазина.
Микрокредитбанк ходимларининг китоб мутолааси ва китобхонлик маданиятини янада юксалтириш мақсадида банк Бош офисида китоб ярмаркаси ташкил этилди.
Унда “Ўзбекистон” нашриёти томонидан 2 000 га яқин илмий ва бадиий асарлар тақдим этилди.
Ярмарка доирасида тақдим этилган Aбу Райҳон Беруний, Aмир Темур каби буюк аждодларимизнинг ўлмас асарлари қаторида, жаҳон ва ўзбек адабиётининг дурдона намуналари, иқтисодий соҳага оид, психологик-мотивацион китоблар, болалар энциклопедиялари, эртак китоблари бир қатор илмий-маърифий асарлари ва бошқа адабиётлар банк ходимларида катта қизиқиш уйғотди.
Банк ходимлари томонидан ярмарка доирасида тақдим этилган китоблар ҳамёнбоплиги ва оммабоплиги туфайли 1000 га яқин китоб харидлари амалга оширилди.
Билдирилган таклифлардан келиб чиқиб, китоблар ранг-баранглигини таъминлаш мақсадида ҳафта давомида қатор етакчи нашриётлар иштирокида китоб ярмаркалари ташкил этиш режалаштирилди.
Банк ахборот хизмати
Яна кўринг
