Ромитан туманидаги “Азизон” МФЙ ҳудудида ташкил этилган “Бир контур - бир маҳсулот” тамойили асосида аҳолига аукцион орқали узоқ муддатли ижрага сотилган 15,4 гектар ер майдонида экспортбоп брокколи етиштирилмоқда.
Шу ўринда “Бир контур – бир маҳсулот” тамойили ҳақида қисқача маълумот бериб ўтсак. Мазкур тамойил асосида ҳудудларда тупроқ иқлим шароити, фуқароларнинг деҳқончилик маданияти, маҳсулот сотиб олувчи кластер, кооперациялар, қайта ишлаш ва экспортёр корхоналарнинг маҳсулот турига бўлган талаби ҳамда ички истеъмол бозорларида аҳолининг асосий турдаги озиқ-овқат маҳсулотларига бўлган эҳтиёжидан келиб чиқиб, қишлоқ хўжалиги экинлари жойлаштирилади.
Ўзбекистон Республикаси Вазирлар Маҳкамасининг “Аҳолига деҳқон хўжалигини ташкил этиш учун ижара ҳуқуқи асосида ажратилаётган ер майдонларидан фойдаланиш самарадорлигини ошириш чора-тадбирлари тўғрисида”ги қарорида бу борада аниқ вазифалар белгилаб берилган.
Қарор ижросини таъминлаш мақсадида “Микрокредитбанк” АТБ томонидан танлаб олинган мазкур лойиҳага, аҳолига экспортбоп маҳсулотларни етиштириш ва кафолатли сотишга кўмаклашиш мақсадида экспортёр “Buxoro Export Trade” МЧЖ агрегатор этиб белгиланди. Шунингдек, Сурхондарё вилоятидан Маъруф Хидиров агроном сифатида жалб қилинди. Ижара ҳуқуқи асосида 69 нафар фуқаронинг 31 нафарига 30 сотихдан ва 38 нафарига 16 сотихдан ер майдони бириктириб берилган бўлиб, лойиҳанинг умумий қиймати 5 млрд сўмни ташкил этади.
Тамойил асосида биринчи экинда брокколи карами етиштирилса, иккинчи экинда бақлажон етиштирилади. Бунда 1 гектар майдондан брокколи маҳсулотидан олинадиган даромад 200 млн. сўмни, иккинчи экинда бақлажондан олинадиган даромад 360 млн. сўмни ташкил этади. Умумий қийматда биринчи экиндан олинадиган фойда 1,7 млрд сўм, иккинчи экинда 4,4 млрд сўм бўлади.
Прогнозга кўра 1 кг брокколини 10 минг сўм, 1 кг бақлажонни 4 минг сўм қийматида сотиш режалаштирилган бўлиб, биринчи экиндан 309 тонна, иккинчи экиндан 1389 тонна ҳосил олиш кўзда тутилган. Етиштирилган ҳосил “Buxoro Eksport Trade” МЧЖ томонидан аҳоли билан тузилган фьючерс шартномасига асосан кафолатли сотиб олиниб, экспортга йўналтирилади.
Ҳисоб-китобларга кўра, бир ер эгасининг ушбу маҳсулот етиштириш орқали оладиган соф фойдаси 1 йилда брокколи маҳсулоти етиштириш орқали 60 млн.сўмни, бақлажон маҳслуоти орқали 85 млн.сўмни ташкил этади.
“Микрокредитбанк” АТБ томонидан “Бир контур – бир маҳсулот” тамойили асосидаги лойиҳаларни амалга ошириш давом этади.
Банк Ахборот хизмати
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
