Ғазалкент - тоғ этакларида жойлашган, мусаффо ҳавоси ва бетакрор табиати билан кўплаб сайёҳларни ўзига чорлайдиган ҳудуд. Бу ерга ҳар йили юз минглаб маҳаллий ва хорижий меҳмонлар ташриф буюришади. Шу боис туризм ва хизмат кўрсатиш соҳаси тумандаги иқтисодий тараққиётнинг асосий йўналишига айланган.
Микрокредитбанк ҳам ҳудуддаги тадбиркорларни қўллаб-қувватлаш, хусусан, хотин-қизлар тадбиркорлигини янада ривожлантириш бўйича салмоқли ишларни амалга ошириб келмоқда.
Банк Бошқарув раиси ўринбосари Шахло Ибрагимова Тошкент вилояти, Бўстонлиқ тумани Ғазалкент БХО томонидан амалга оширилаётган йирик лойиҳалар билан танишди.
Дастлабки манзил “GEMOTEST-LAB” хусусий клиникаси бўлди. 2020 йилда ташкил этилган мазкур даволаш муассасаси ҳозирда “Микрокредитбанк” АТБ Ғазалкент БХО билан ҳамкорликда кўп тармоқли тиббий хизмат кўрсатиш йўналишида қатор инвеститсиявий лойиҳаларни амалга оширмоқда.
2024 йил 1,796 млрд. сўмлик кредит асосида нотурғун бино, асбоб-ускуна ва жиҳозлар харид қилинган бўлса, яна 100 млн. сўм кредит асосида рентген, УЗД асбоб-ускуналари ва жиҳозлар харид қилинди. Жами кредит маблағлари 1,896 млрд. сўмдан ортиқни ташкил этди.
“Ҳозирги кунда 6 нафар доимий ишчи меҳнат қилмоқда, тўлиқ ишга тушса, 25 та иш ўрни яратилади”- дейди Клиника раҳбари Шахло Сайдуллаева.
Жорий йилнинг 1-ярим йиллигида “Микрокредитбанк” АТБ Ғазалкент БХО орқали 7 миллиард сўмга яқин кредитлар ажратилиб, 35 нафар мижоз ўз бизнесини йўлга қўйди. Шундан 14 нафари хотин-қизлар бўлиб, уларнинг ташаббуслари учун 3 миллиард сўм йўналтирилди. Натижада 40 нафарга яқин аҳоли бандлиги таъминланди.
Ана шундай имкониятлардан оқилона фойдаланаётган тадбиркорлардан бири миллий қандолатчилик маҳсулотларини ишлаб чиқарувчи “Toto Cake” оилавий корхонаси раҳбари Ирода Мирқурбонова.
“Микрокредитбанк ёрдамида корхонамиз учун замонавий ускуналар харид қилдик. Ҳозир ойига 80–90 та тўй ва маросимларга ширинлик тайёрлаб, етказиб берамиз. Йиллик даромадимиз 300 миллион сўмдан ошади. Энг қувонарлиси, юзлаб қиз ва келинларимиз бизнинг мастер-классларда иштирок этиб, бу соҳада билим олишмоқда. Улар орасида мустақил фаолият бошлаганлари ҳам кўп ва мен шогирдларим билан фахрланаман”, — дейди Ирода опа.“Микрокредитбанк ёрдамида корхонамиз учун замонавий ускуналар харид қилдик. Ҳозир ойига 80–90 та тўй ва маросимларга ширинлик тайёрлаб, етказиб берамиз. Йиллик даромадимиз 300 миллион сўмдан ошади. Энг қувонарлиси, юзлаб қиз ва келинларимиз бизнинг мастер-классларда иштирок этиб, бу соҳада билим олишмоқда. Улар орасида мустақил фаолият бошлаганлари ҳам кўп ва мен шогирдларим билан фахрланаман”, — дейди Ирода опа.
Ушбу корхонада ўтказиладиган мастер-классларга чет эллик мутахассислар ҳам жалб этилади. Яқинда Хитойнинг “Perilla-food” компанияси мутахассислари томонидан Ғазалкент кондитерлари учун мастер-класс ташкил этилди. Бу эса ҳудуддаги мутахассисларнинг кўпроқ билим ва малакага эга бўлишларига хизмат қилди.
Шу куни туманнинг туризм салоҳиятини юксалтиришга қаратилган “BEGZOD IBROXIM BIZNESS” МЧЖнинг меҳмон уйи лойиҳаси билан ҳам танишилди.
Ушбу меҳмон уйи барпо этиш учун Микрокредитбанк томонидан 1,25 миллиард сўмдан зиёд кредит маблағи йўналтирилган. Замонавий жиҳозлар билан таъминланган мазкур маскан бир вақтнинг ўзида 20–25 нафар сайёҳни қабул қилиш имкониятига эга. Ушбу лойиҳа орқали келгусида 10 тагача мавсумий иш ўринларини яратиш режалаштирилмоқда.
Ғазалкент мусаффо табиати, туризм имкониятлари ва меҳнатсевар аҳолиси билан тобора юксалиб бормоқда. Бу жараёнда “Микрокредитбанк” АТБ тадбиркорлар учун ишончли ҳамкор сифатида уларнинг ташаббусларини амалга оширишда муҳим пойдевор бўлиб хизмат қилмоқда.
Банк Ахборот хизмати
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
