Микрокредитбанк акциядорлик тижорат банки томонидан ёшларда жамғариш маданиятини шакллантириш, банкларга бўлган ишончни ошириш, рақамли банк хизматларидан фойдаланиш бўйича кўникмаларни яратиш мақсадида “World saving days” (Бутунжаҳон жамғариш куни) халқаро тадбирлари ўтказилди. Ушбу байрам анъанага мувофиқ AҚШ, Канада, Европа давлатлари ва кўплаб мамлакатларда 1924 йилдан буён нишонланиб келинмоқда.
Унинг асосий мақсади маблағларни тежаш ғоясини қўллаб-қувватлаш ва сақлаб қолишдан иборат. Шунингдек, бу билимлар ҳар бир одам учун фойдали ва керакли ҳисобланади.
Бир неча йилдан буён ушбу сана доирасида Микрокрдитбанк ҳам Ўзбекистон Марказий банки ташаббусига қўшилган ҳолда турли ҳудудлар таълим муассасаларида қатор учрашувлар ўтказиб келмоқда.
Жорий йилда ҳам банк мутахассислари Самарқанд вилояти Самарқанд шаҳридаги 42,51,49,43,48 ва Сурхондарё вилояти Термиз шаҳридаги 7,9,10,15,26, Aндижон вилояти Булоқбоши туманидаги 27,43,25, 10-мактабларда “Молиявий хавфсизлик - фирибгарлардан эҳтиёт бўлинг” мавзусида дарслар ташкил этилди. Банк ходимлари ўқитувчи ва ўқувчилар билан ҳар бир инсон ҳаётида жамғармаларнинг ўрнини муҳокама қилишди. Мисоллар асосида молиявий саводхонлик, маблағларни тўғри тақсимлаш ва ўз келажагига сармоя қилиш ҳақида тушунтиришди.
Дарс давомида фаол иштирок этган ва интерактив ўйин ғолибларига банкнинг эсдалик совғалари берилди.
Бундан ташқари, Самарқанд иқтисодиёт ва сервис институти ва Термиз давлат университетида ҳам шу мавзусида дарслар ташкил этилди. Дарс давомида фаол иштирок этган талабаларга банкнинг эсдалик совғалари топширилди.
Ёшларнинг молиявий саводхонлик даражаси ва жамғариш маданиятини ривожлантиришга катта эътибор қаратиш жуда муҳим.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
