Маълумки, Микрокредитбанк томонидан Япония халқаро ҳамкорлик агентлиги (JICA)дан жалб этилган маблағлар ҳисобидан юртимизда “Мева-сабзавотчилик тармоғида қўшилган қиймат занжирини яратишни ривожлантириш (2-босқич)” лойиҳаси доирасида тадбиркорларга кредитлар ажратиб келинмоқда.
Мазкур кредит линияси маблағлари ҳисобидан Бухоро вилоятида 22,5 млрд. сўмлик лойиҳа амалга оширилиб, мева шарбати ҳамда салқин ичимликлар ишлаб чиқариш йўлга қўйилади.
Ушбу лойиҳа ташаббускори “Gijduvan Eco Bottlers” МЧЖнинг ягона таъсисчиси ва раҳбари Алишер Ғуломов бўлиб, бу ишлар Ғиждувон тумани Барака МФЙ, Олтинсой кўчасида амалга оширилади.
– Сир эмаски, юртимизда қуёшли кунлар кўп, меваларимиз эса ширин, – дейди – А.Ғуломов. – Бу эса биз тадбиркорлар учун мавжуд имкониятлар етарлича эканлигидан далолат беради. Яъни ўзимизда сифатли мевалар кўп ва шунга яраша харидорлар ҳам кам эмас. Қолаверса, хорижда ҳам бизда етиштирилган мевалардан тайёрланган шарбатларга талаб юқори. Бу эса келгусида ушбу маҳсулотларни экспортга чиқариш имконини ҳам беради.
Муҳими, Ғиждувон туманида амалга оширилаётган мазкур лойиҳа ишга тушиши натижасида корхонада 30 та янги иш ўрни яратилиб, ишчилар сони 60 нафарга етади. Корхонада йилига 6 минг тоннадан ортиқ мева шарбати ҳамда салқин ичимликлар ишлаб чиқариш имконияти яратилади.
Маълумот учун, Микрокредитбанк томонидан Япония халқаро ҳамкорлик агентлиги (JICA)дан юртимизда “Мева-сабзавотчилик тармоғида қўшилган қиймат занжирини яратишни ривожлантириш (2-босқич)” лойиҳаси доирасида 18 млн АҚШ доллари миқдорида кредит жалб этилган бўлиб, лойиҳа доирасида банк томонидан айни пайтда 4 йилгача имтиёзли давр билан 14 йил муддатгача кредитлар ажратиб келинмоқда.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
