Қашқадарё вилоятидан фуқаро Рахмат Дурсаев ўзининг «Фаcэбоок»даги шахсий саҳифасида «Қамаши Файз» деҳқон озиқ-овқат бозори учун Микрокредитбанк томонидан ажратилган кредитларнинг мақсадли ишлатилиши борасидаги сўровларига жавоб ололмаётганлиги ҳақида пост қолдирган.
Ҳақиқатан ҳам, Қамаши туманида янги бозор қуриш лойиҳаси учун банкнинг туман Банк хизматлари офиси томонидан 2019 йилда 1,5 млрд. сўм, 2022 йилда яна 1,2 млрд. сўм, жами 2,7 млрд. сўм маблағ ажратилган ва барча маблағлар янги бозор қурилиши учун мақсадли ишлатилган.
Таъкидлаш керакки, мазкур кредит бўйича вилоят ва туман Прокуратураси томонидан ҳам ўрганишлар олиб борилган бўлиб, ҳеч қандай қонун бузилиши ҳолати аниқланмаган.
Мурожаатчилар талаб қилаётган маълумотлар ҳақиқатда "Банк сири тўғрисида"ги қонунга асосан 3-шахсга ошкор қилиш мумкин бўлмаган, қонун билан ҳимоя қилинадиган ахборотлар турига киради. Шу сабабли мурожаатчилар сўраётган маълумотлар уларга тақдим этилмаган.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
