Халқимизда севилган ва қадрланган барча буюмлар, уста заргарлар қўли билан безатилган ҳамда уларнинг анъанавий ва эркин ижодий фикрлаши уйғунлигида ўзбек заргарлик буюмларининг ўзига хос ажойиб шакллари яратилган. Бироқ заргарлик маҳорати аёллар тақинчоқлари, хусусан, тўй безакларида ўзининг энг юксак камолотига етади, десак адашмаймиз.
Бухоро азалдан заргарлик ҳунари билан машҳур. Бу юртнинг маҳоратли ҳунармандлари нафақат ўз маҳсулотлари билан, балки ёшларга ҳунар ўргатиш орқали ҳам миллий меросимизни асраб-авайлаб келмоқда.
Шундай ҳунармандлардан бири – бухоролик заргар Нигора Файзиева. У турмуш ўртоғи билан биргаликда заргарлик ҳунари билан шуғулланади. Заргарлик устахонасида ўқув маркази ташкил қилиб, унда 10 дан ортиқ болаларга заргарлик сирларини ўргатмоқда.
Заргар Нигора Файзиеванинг таъкидлашича, бу ҳунарни ўрганиш жуда қиммат – 2 000 доллардан 10 минг долларгача баҳоланади. Бироқ у ёшларнинг келажагини ўйлаб, ушбу ҳунарни ўргатишни анча арзон нархда ташкил этмоқда. Ҳозирча фақат ўғил болаларга ҳунарининг сирларини ўргатаётган бўлса-да, эндиликда қизлар учун ҳам алоҳида курслар очишни режалаштирган.
Нигора Файзиева ўз фаолиятида “Микрокредитбанк” кўмагига таянади. Банк томонидан унга "Оилавий тадбиркорликни ривожлантириш" дастурлари доирасида 31 миллион сўмлик кредит ажратилган эди. Ушбу маблағлар зарур ускуналар харид қилишга йўналтирилди. Бугунги кунда Нигора нафақат ўз ишини кенгайтирди, балки кўплаб мижозларнинг ишончини ҳам қозонди.
Президентимиз томонидан тижорат банкларига хотин-қизлар учун янгича ёндашув асосида молиявий хизматларни йўлга қўйиш орқали уларнинг бизнес лойиҳаларини қўллаб-қувватлаш вазифаси қўйилган. Микрокредитбанк ҳам бу жараёнда фаол иштирок этиб, хотин-қизларга ўз бизнес ғояларини амалга ошириш, кичик ва ўрта бизнесни ташкил этиш, мавжуд фаолиятини кенгайтиришга асосий эътиборни қаратган.
Жорий йилнинг 7 ойи давомида “Оилавий тадбиркорликни ривожлантириш”, “Кичик бизнесни қўллаб-қувватлаш”, “Ҳамроҳ” дастурлари, “Бизнесга биринчи қадам”, “Маҳалла-бизнес” ва “Менинг маҳаллам” кредит пакетлари доирасида жами 1 трлн 484 млрд. сўмлик имтиёзли кредитлар хотин-қизларнинг бизнеси учун йўналтирилган. Бу орқали 64 000 минг нафардан ортиқ аёлларимиз тадбиркорликка жалб қилинган.
Оилавий тадбиркорликни ривожлантириш дастури доирасида 580 млрд. сўмлик имтиёзли кредитлар 36 572 нафар хотин-қизларга йўналтирилди ва бандлигини таъминлашга эришилди.
Банк ахборот хизмати
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
