Тошкент шаҳрида бўлиб ўтган ИВ Тошкент Халқаро Инвестиция форумининг эʼтиборга молик жиҳатларидан бири шундаки, унинг доирасида илк бор инвестиция кўргазмаси ташкил этилди. Ушбу кўргазма маҳаллий ва халқаро иштирокчилар учун янгича платформа сифатида хизмат қилди.
Кўргазмада “Микрокредитбанк” АТБ ҳам ўзининг турли молиявий маҳсулотлари ва хизматларини намойиш этиш орқали, потенсиал ҳамкорлар билан ўзаро манфаатли ҳамкорлик учун майдон яратди.
Форум доирасида турли мавзуларда панел муҳокамалари, учрашувлар ва давра суҳбатлари ташкил этилди. Шу жумладан, “Аёл тадбиркорлар учун инклюзив экотизимларни яратиш” мавзусидаги панел учрашуви алоҳида аҳамият касб этди.
Унда мамлакатимизда аёллар тадбиркорлигини қўллаб-қувватлаш, уларнинг иқтисодий жараёнлардаги фаол иштирокини таʼминлаш ҳамда инклюзив бизнес муҳитини шакллантириш масалалари муҳокама қилинди.
Ушбу учрашувда “Микрокредитбанк” АТБ Бошқарув раиси ўринбосари Шахло Ибрагимова ҳам иштирок этди.
Панелда, шунингдек, Америcан Чамбер Узбекистан ижрочи директори Татяна Бйструшкина, Ўзбекистон Республикаси Президент Администрацияси Ташқи сиёсат таҳлили ва иқтисодий ҳамкорлик бўлими бошлиғи Нозима Давлетова, БМТ Тараққиёт Дастурининг Ўзбекистондаги доимий вакили Акико Фужии ҳамда Европа тикланиш ва тараққиёт банкининг Ўзбекистондаги директори Анди Аранитасис каби нуфузли мутахассислар иштирок этди.
Улар томонидан аёлларнинг иқтисодий фаоллигини ошириш, уларга тенг имкониятлар яратиш ва тадбиркорликни кенгайтириш орқали барқарор иқтисодий ўсишга эришиш бўйича амалий таклиф ва ғоялар илгари сурилди.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
