Юртимизда аҳолини сифатли озиқ-овқат маҳсулотлари билан таъминлаш мақсадида ушбу тармоқни ҳар томонлама қўллаб-қувватлаш борасида Микрокредитбанк томонидан ҳам тизимли ишлар амалга оширилмоқда.
Хусусан, аҳолининг турли ширинлик маҳсулотларига бўлган эҳтиёжини қондириш, тармоқда янги технологияларни жорий этиш, мазкур соҳада фаолият юритаётган тадбиркорларнинг моддий-техник базасини мустаҳкамлаш мақсадида, банк томонидан Хоразм вилояти Урганч туманидаги “Ganja Vali Shirinliklari” лойиҳаси молиялаштирилди.
Банкдан ажратилган 10,5 млрд. сўмлик кредит маблағлари эвазига лойиҳа фаолиятини янада ривожлантириш, жумладан, аҳолига қандолат ва нон маҳсулотларини ишлаб чиқариш ҳамда сотиш фаолиятини кенгайтириш мақсадида, Туркия давлатидан зарур ишлаб чиқариш ускуналари сотиб олинди.
Aлбатта, бугунги кунда, қандолатчилик ва нон маҳсулотларини ишлаб чиқаришга, ушбу маҳсулотларнинг маҳаллий бозор талабини қондиришга ва ишлаб чиқарувчиларга берилаётган кўплаб имтиёзлар, ишлаб чиқаришнинг ўсишига ҳамда ушбу маҳсулотларни қадоқлаш, сақлаш ва охирида истеъмолчига етиб боришини таъминлаш мақсадида, қандолат маҳсулотларига бўлган талабнинг ҳам ўсишига, шу билан бирга ушбу соҳада ишлаб чиқарилаётган маҳсулот сифатини доимий ошириб боришига сабаб бўлмоқда.
Эътиборлиси, “Ganja Vali Shirinliklari” корхонасида ушбу лойиҳани амалга ошириш орқали қўшимча янги турдаги қандолат ва нон маҳсулотлари ишлаб чиқариш режалаштирилмоқда. Бунинг эвазига корхонада яна 20 та янги иш ўрни ташкил этилиб, жами ходимлар сони 50 нафардан ортади.
Банк Ахборот хизмати
Яна кўринг
