Таъкидлаш керакки, коррупцияга қарши курашишда давлат сиёсатининг самарали амалга оширилишини таъминлаш ҳамда коррупция кўринишларининг оқибати билан эмас, балки сабаб ва шарт-шароитларини бартараф этиш муҳимдир.
Ана шу мақсадда “Микрокредитбанк” АТБнинг барча ҳудудий бошқармаларида навбатдаги ўқув семинари бўлиб ўтди. Унда Бош банк ходимлари, ҳудудий бошқарма масъуллари, вилоят ҳамда туман прокуратураси ходимлари, туман ИИБ ходимлари иштирок этишди.
Мазкур тадбирда масъуллар банк ходимлари орасида коррупцияга йўл қўймаслик, унинг оқибатлари, қонунчиликда жазо муқаррарлиги тўғрисида фикр билдирилиб, коррупцияга қарши курашда ҳамма бир бўлиб курашиши, коруппсиён ҳолатларнинг олдини олиш ва унга ёл қўймаслик, ушбу иллатга курашишда барча бирдек масъул эканлиги таъкидлаб ўтилди.
Шунингдек, банк ходимлари томонидан порахўрлик, мансаб мавқеини суиистеъмол қилиш билан боғлиқ жиноятларнинг содир этилиши давлат хокимиятининг обрўсизланишига, давлатнинг сиёсий, иқтисодий, ҳуқуқий тизимига путур етишига, мижозларимизнинг банкка бўлган ишончи йўқолишига олиб келиши, шу боис ушбу иллатга қарши курашиш ва барҳам бериш давлатимизнинг, банкимизнинг устувор йўналишлардан бирига айланиши таъкидланди.
Табдир сўнгида семинар иштирокчилари ўзларини қизиқтирган саволларга жавоб олишди ва ҳар бир раҳбар ва ходим коррупция ҳолатларининг ҳар қандай кўринишларига нисбатан муросасиз муносабатда бўлишга ҳамда ўз хизмат вазифаларини ҳалол ва холис бажаришга тайёр эканликларини қайд этишди.
Абу Наср Форобий “Фозил одамлар шаҳри” асарида фуқаролик жамиятини қуришда тўғаноқ бўладиган муаммолардан бири таъмагирликдир, деб қайд этган. Ҳақиқатдан ҳам, коррупция – тараққиёт кушандаси, хавфсизликка таҳдид туғдирувчи хавфли жиноят. Бу иллатга қарши курашиш тегишли органларнинггина эмас, барчанинг иши бўлиши зарур. Шундагина биз ушбу хавфни бартараф этган бўламиз.
Банк Ахборот хизмати
Яна кўринг
Тарихий қадам: MIGA кафолати остида халқаро инвестицияларни жалб қилинди
