Ижтимоий тармоқларда Ўзбекистон Республикаси Президентининг 2026 йил 11-сентабрдаги ПФ-193-сонли Фармони ижроси ҳамда оилавий тадбиркорликни ривожлантириш дастурлари доирасида кредитлар ажратилиши юзасидан билдирилган фикрлар бўйича қуйидагиларни маълум қиламиз.
Бугунги кунда оилавий тадбиркорликни ривожлантириш дастурлари доирасидаги имтиёзли кредитлар амалдаги норматив-ҳуқуқий ҳужжатлар, жумладан, Ўзбекистон Республикаси Президентининг 2024 йил 2 апрелдаги ПҚ-149-сонли қарори асосида ажратиб келинмоқда.
Президентимизнинг 2026 йил 11-сентабрдаги ПФ-193-сонли Фармонига мувофиқ, оилавий тадбиркорликни ривожлантириш ва ёшлар тадбиркорлиги дастурлари доирасидаги имтиёзли кредит ресурсларини бошқариш ваколати туман (шаҳар) штабларига ўтказилган. Бунда кредитлаш йўналиши, миқдори, муддати, имтиёзли даври ва тўлов графиги каби шартлар маҳаллий шароит ҳамда лойиҳа хусусиятидан келиб чиқиб белгиланади.
Ҳозирда Oilakredit.uz платформасида туман (шаҳар) штаблари томонидан тегишли қарорларни шакллантириш, ўзгартириш ва тасдиқлаш имкониятлари яратилган. Штаб қарорлари тўлиқ тасдиқланганидан сўнг, уларнинг иловасида кўрсатилган ўзини ўзи банд қилган фуқаролар ва тадбиркорлик субъектлари платформа орқали ариза тақдим этишлари мумкин.
Шунингдек, ПФ-193-сонли Фармоннинг 16-бандида назарда тутилган фоизсиз кредит маблағлари ПФ-258-сонли Фармон доирасида белгиланган мақсадлар учун йўналтирилади.
“Микрокредитбанк” АТБ ўз фаолиятини амалдаги қонунчилик ҳужжатлари ва белгиланган тартиблар асосида амалга оширади. Кредит олиш истагидаги фуқароларга тегишли шартлар ва ариза бериш тартиби юзасидан банкнинг расмий каналлари орқали маълумот олиш тавсия этилади.
Bank Axborot xizmati
Яна кўринг
Фирибгарлар фаол бўлиши мумкин — эҳтиёт бўлинг!
Мижозлар билан очиқ мулоқот:МКБАНК алоқа каналлари орқали келиб тушган мурожаатларни таҳлил қилди
