Бугун МКБАНКда 9 май – Хотира ва қадрлаш куни муносабати билан банк ходимлари орасида «Инсон азиз, хотира-муқаддас» номли маданий-маърифий тадбир ўтказилди.
Тадбирнинг бир қисми сифатида эрта тонгдан банк ходимлари учун «Инсон азиз, хотира-муқаддас» номли челленж ташкил этилди.
Шундан кейин банк ходимлари учун тадбирнинг асосий қисми бошланди ва унда байналминал Афғон халқ Республикасида интернационал хизмат бурчини ўтаган 1-бўлим бошлиғи Эштуктар Бўриев билан давра суҳбати бўлиб ўтди.
Давра суҳбатида 1-бўлим бошлиғи Эштуктар Бўриев ўз хотираларини, бу улуғ кунларга етиш осон бўлмагани, тинчлик учун минглаб инсонлар қони тўкилганини, бундай қаҳрамонларни ушбу кунда ёд этиб, улар кўрсатган мардликни доимо ёдда сақлашга чорлаб қолди. Шунингдек, биз бугунги тинчлик-осойишталикни қадрлаб яшашимиз лозимлиги ёшларга уқтирилди.
Ўзбекистонда 1999 йилдан бери 9 май – Иккинчи жаҳон урушида Германия мағлуб этилган ва Ғарбий фронтда уруш тугаган кунда Хотира ва қадрлаш куни нишонлаб келинади. Бу кунни шундай номлаш ташаббуси Ўзбекистоннинг Биринчи Президенти Ислом Каримовдан чиққан.
Бир сўз билан айтганда, 9 май — фашизм устидан қозонилган ғалаба кунигина эмас, балки халқимиз уруш ва тинчликда кўрган катта фожиалардан хулоса чиқариш, бугунги тинчликнинг қадрига етиш куни сифатида жамиятимиз онгу шууридан жой олган қадриятдир.
Банк Ахборот хизмати
