Жорий йилнинг 30 ноябридан 2 декабригача Тошкентда “Ипак йўлида туризм” 2022 27-Тошкент халқаро сайёҳлик ярмаркаси (ТХТЯ) бўлиб ўтади.
Ўзбекистон Республикаси Туризм ва маданий мерос вазирлиги, “Миллий ПР маркази” давлат унитар корхонаси, The SAYS LOT МЧЖ вакили SAYS кўргазма компанияси ярмарка ташкилотчиларидир.
ТХТЯ 2022 доирасида конференсиялар, Б2Б учрашувлари, давра суҳбатлари, сайёҳлик хизматлари ва ҳунармандчилик кўргазмалари, Ўзбекистоннинг туризм салоҳиятига ега ҳудудларининг тақдимотлари, миллий таомларни тайёрлаш бўйича маҳорат дарслари ўтказиладиган гастро-базар ташкил этилади.
Ярмарка бутун дунёдан сайёҳлик бизнеси мутахассисларини бирлаштиради. ТХТЯ доирасидаги форум спикерлари сифатида туризм соҳасидаги йетакчи халқаро ва маҳаллий експертлар иштирок этадилар.
Ярмаркага ташриф буюрувчилар ва иштирокчилар янги сайёҳлик йўналишлари билан танишиш, мамлакатдаги янги манзилларнинг туристик салоҳиятини баҳолаш, Ўзбекистоннинг ҳар бир ҳудудининг ранг-баранг муҳити, маданияти ва анъаналарига шўнғиш учун ноёб имкониятга эга бўладилар.
ТХТЙни қўллаб-қувватлаш мақсадида 2019 йил январ ойида Президент Шавкат Мирзиёев “Туризмни жадал ривожлантиришга доир қўшимча чора-тадбирлар тўғрисида”ги Фармонни имзолади.
Бундан ташқари, Ўзбекистон Республикаси Вазирлар Маҳкамасининг “Ҳар йили ўтказиладиган “Ипак йўлидаги туризм” Тошкент халқаро сайёҳлик ярмаркасини ташкил этиш чора-тадбирлари тўғрисида”ги қарори қабул қилинди. Aйнан шу ҳужжатлар халқаро туризм ярмаркаси ривожланишининг ижобий динамикасини белгилаб берди.
ТХТЯ 2022 гибрид форматда ўтказилади. Ярмарканинг биринчи куни, яъни 30-ноябр, расмий очилиш маросими билан бошланади. Ярмарканинг иккинчи ва учинчи, яъни 1-2 декабр кунлари ҳунармандлар кўргазмаси, ҳудудлар тақдимоти, гастро-базар ва таниқли ошпаз Чустийнинг маҳорат дарси билан давом этади.
ТХТЯнинг учинчи куни байрамона ёпилиш маросими билан якунланади. Ярмарка “Ўзекспомарказ” Миллий кўргазмалар мажмуаси павилёнида ўтказилади.
Маълумот учун, ТХТЯ 1995 йилдан бери БМТнинг Жаҳон сайёҳлик ташкилоти (УНWТО) кўмагида ўтказиб келинмоқда. Кўргазма ҳар йили сайёҳлик соҳасининг юзлаб мутахассисларини жамлаб, ушбу соҳани халқаро миқёсда ривожлантириш учун шароит яратиб келмоқда.
Яна кўринг
МКБАНК раҳбарияти “Долзарб 40 кунлик” доирасида маҳаллаларни ўрганди
Аниқланган масалаларни ҳал этишда банкнинг ҳудудий бўлинмалари ҳамда “маҳалла еттилиги” билан ҳамкорликни янада кучайтириш бўйича тегишли вазифалар белгиланди.
“МУСТАҚИЛЛИК ВА МЕН” — РАСМЛАР ТАНЛОВИГА МАРҲАМАТ!
Танловда 6–11 ёшдаги банк ходимларининг фарзандлари иштирок этиши мумкин.
