Бугун «Микрокредитбанк» АТБ Бош офисида «Тараққиёт стратегияси» маркази билан ҳамкорликда «Ўзбекистон – 2030» стратегиясида белгиланган кенг кўламли ислоҳотларнинг мазмун-моҳияти тарғиботига бағишланган тадбир бўлиб ўтди.
Банк Бошқаруви аъзолари, департамент директорлари ҳамда ҳудудий бошқармалар ходимлари иштирок этган тадбирда марказ бўлим бошлиғи Авазбек Холбеков ҳамда мутахассиси Искандар Ўроқбоев «Ўзбекистон – 2030» стратегияси ҳақида атрофлича маълумот беришди.
Жумладан, стратегияда белгиланган вазифаларни жорий йилда самарали амалга ошириш, халқимизнинг кундалик ҳаётида ижобий ўзгаришларга эришиш бўйича тизимли ҳаракатларни изчил давом эттириш, «яшил иқтисодиёт» тамойилларига асосланган юқори иқтисодий ўсиш суръатларини таъминлаш, экологик ҳолатни яхшилаш, сув ва бошқа табиий ресурслардан унумли фойдаланиш стандартларини кенг жорий қилиш ҳамда халқ манфаатларига йўналтирилган бошқарув тизимини янада такомиллаштириш борасида амалга оширилаётган ишлар ҳақида батафсил маълумот беришди.
Тадбир сўнгида банк ходимлари мавзу юзасидан ўз саволларига мутахассислардан жавоб олишди.
Банк Ахборот хизмати
Яна кўринг
Оққўрғон туманида меҳнат ярмаркаси ва ёшлар билан очиқ мулоқот ташкил этилди
Дам олиш кунлари ҳам ишлаймиз!
