“Микрокредитбанк” АТБ Жиззах вилоят ҳудудий бошқармасида банк ходимлари учун коррупцияга қарши курашиш, ҳалоллик ва шаффофлик тамойилларини мустаҳкамлашга қаратилган ўқув-семинар ташкил этилди. Мазкур тадбир банк соҳасида хизмат сифатини ошириш, мижозлар ишончини мустаҳкамлаш ҳамда коррупсион ҳолатларнинг олдини олишга хизмат қилади.
Ўқув жараёнида иштирокчиларга коррупциянинг салбий оқибатлари, унинг иқтисодиёт ва жамият ривожига таъсири ҳақида батафсил маълумотлар берилди. Шунингдек, амалдаги қонунчилик, ички назорат тизимлари ва коррупцияга қарши курашишнинг замонавий усуллари муҳокама қилинди.
Семинар давомида мутахассислар томонидан реал ҳаётий мисоллар асосида тушунтиришлар берилиб, ходимларнинг муаммоли вазиятларда тўғри қарор қабул қилиш кўникмаларини шакллантиришга алоҳида эътибор қаратилди. Интерактив савол-жавоблар, гуруҳли муҳокамалар орқали иштирокчиларнинг билим ва тажрибалари бойитилди.
Тадбир якунида банк ходимлари ўз фаолиятида ҳалоллик, масъулият ва қонун устуворлигини таъминлаш муҳимлигини яна бир бор таъкидлаб, коррупцияга қарши муросасиз муносабатни шакллантириш зарурлигини билдирдилар.
Бундай ўқув-семинарларнинг мунтазам ўтказилиши банк тизимида очиқликни кучайтириш, хизматлар сифатини яхшилаш ҳамда жамиятда коррупцияга қарши кураш маданиятини юксалтиришда муҳим аҳамият касб этади.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
