Жиззах вилояти Арнасой туманида Микрокредитбанк АТБ Бошқарув раиси ўринбосари Икром Джуманиёзов иштирокида тадбиркорлар ва аҳоли билан очиқ мулоқот ўтказилди. Унда 40 нафардан ортиқ фуқаро ва тадбиркор қатнашди.
Учрашув давомида банк томонидан “Уйчи тажрибаси” асосида таклиф этилаётган хизматлар ҳақида батафсил маълумотлар тақдим этилди. Банкнинг ушбу тажриба асосидаги хизматлари фуқаролар учун енгиллаштирилган тартибда кредитлар тақдим этиш, тадбиркорликни қўллаб-қувватлаш ҳамда иқтисодий шароитларни яхшилашга қаратилган.
Очиқ мулоқот жараёнида иштирокчилар томонидан қуйидаги масалалар бўйича мурожаатлар қилинди:
• 30 дан ортиқ кредит ажратиш масалалари.
• 4 та ер ажратиш бўйича талаблар.
• Бошқа иқтисодий ва ташкилий масалалар.
Банк раҳбарияти ҳар бир мурожаатни жойида ўрганиш ҳамда тегишли ташкилотлар билан ҳамкорликда ҳал қилиш бўйича топшириқлар берди. Ушбу тадбир банк томонидан тадбиркорлар билан мунтазам мулоқот қилиш, уларнинг таклифларини ўрганиш ва амалий кўмак кўрсатиш борасидаги ишларнинг бир қисми сифатида ташкил этилди.
Учрашув натижаларига кўра, мурожаатлар ижроси юзасидан масъул ходимларга тегишли вазифалар юклатилди ва уларнинг ҳал этилиши бўйича доимий мониторинг олиб борилиши белгиланди.
Банк Ахборот хизмати
Яна кўринг
