“Микрокредитбанк” AТБ томонидан мамлакат иқтисодий ҳаётида хотин-қизлар фаоллигини ошириш, аёллар тадбиркорлигини қўллаб-қувватлаш, ривожлантириш учун банкда яратилган шароитлар ҳақида маълумотлар бериш мақсадида ҳудудларда очиқ мулоқотлар ташкил этилмоқда. Aна шундай учрашувлардан бири Хоразм вилояти Боғот тумани ҳокимлиги биносида бўлиб ўтди. Унда “Микрокредитбанк” AТБ Бошқарув раиси ўринбосари Шахло Ибрагимова, Боғот тумани ҳокими ўринбосарлари ва тегишли масъуллар иштирок этишди. 
Таъкидлаш лозимки, банк томонидан республика бўйича 2021-2024 йилларда 194 мингдан ортиқ хотин-қизлар тадбиркорлигига биргина Оилавий тадбиркорликни ривожлантириш дастурлари доирасида имтиёзли шартларда 3,5 трлн. сўмга яқин кредитлар ажратилди. Шундан Хоразм вилояти бўйича 12 300 дан зиёд хотин-қизлар тадбиркорлиги учун 261 млрд. сўмдан ортиқ имтиёзли шартларда банк кредитлари йўналтирилди. 
2024 йилнинг 21 октябрь ҳолатига 110 мингдан ортиқ аҳоли ва тадбиркорлик субъектларига имтиёзли шартларда жами 1 848 млрд. сўм кредитлар ажратилиши натижасида 110 463 нафар аҳоли бандлиги таъминланди. 
Эътиборлиси, ушбу кредитларнинг 941 млрд. сўми қарийиб 63 мингга яқин хотин-қизларнинг лойиҳаларига йўналтирилган. 
Хотин-қизлар тадбиркорлигини қўллаб-қувватлаш, уларнинг бандлиги ва аёлларни қўшимча даромад манбаи билан таъминлаш бўйича олиб борилаётган тадбирлар ўз натижасини бермоқда. Боғот туманида ўтказилган очиқ мулоқот давомида ҳам тадбиркорлик қилиш истагида бўлган хотин-қизлар учун банк имтиёзли кредитлари, бизнесга жалб қилиш ва тадбиркорликни ривожлантиришни қўллаб-қувватловчи махсус loyihalar-fabrikasi.uz электрон ахборот тизими ҳақида маълумотлар тақдим этилди. 
Шу билан бирга уларнинг мурожаат ва муаммолари ўрганилди.
Банк Aхборот хизмати
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
