Маълумки, Микрокредитбанк томонидан Япония халқаро ҳамкорлик агентлиги (JICA)дан жалб этилган маблағлар ҳисобидан юртимизда “Мева-сабзавотчилик тармоғида қўшилган қиймат занжирини яратишни ривожлантириш (2-босқич)” лойиҳаси доирасида тадбиркорларга кредитлар ажратиб келинмоқда.
Банкнинг Бош офисида мазкур лойиҳа доирасида тадбиркорларга кредитлар ажратиш, молиявий ҳисоботлар тайёрлаш, кредит портфелининг рискларини баҳолаш, муддати ўтган кредитлар билан ишлаш каби масалалар бўйича халқаро эксперт Нвард Гҳаракҳанян иштирокида семинар ўтказилди.
Ушбу семинарда кредит экспертлари, андеррайтерлар, кредит рискларини бошқариш, ўрта бўғин менежерлари, шунингдек, JICA дастури бўйича мева-сабзавотчиликни кредитлаш билан шуғулланувчи ходимлар иштирок этиб, билим ва кўникмаларини ривожлантиришди.
Маълумот учун, Микрокредитбанк томонидан Япония халқаро ҳамкорлик агентлиги (JICA)дан юртимизда “Мева-сабзавотчилик тармоғида қўшилган қиймат занжирини яратишни ривожлантириш (2-босқич)” лойиҳаси доирасида 18 млн. AҚШ доллари миқдорида кредит жалб этилган.
Банк ахборот хизмати.
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
