Бугун “Микрокредитбанк” АТБ Бош офисида Ўзбекистон Республикаси Ички ишлар вазирлиги Тошкент шаҳар ИИББнинг Ахборот технологиялари соҳасидаги жиноятларга қарши курашиш бошқармаси билан ҳамкорликда банк ходимлари учун киберхавфсизлик мавзусида семинар-тренинг ташкил этилди.
Мазкур семинар давомида интернет маконида кибержиноятлардан ҳимояланиш, фуқароларни алдов ва фирибгарликлардан асраш, шахсий маълумотларни муҳофаза қилиш, “кибергигиена” қоидаларига амал қилиш каби масалалар банк ходимларига батафсил тушунтирилди.
Биламизки, бугунги замонавий дунёда кибер таҳдидлар сони тез суръатлар билан ўсиб бормоқда. Жаҳон оммавий ахборот воситалари эса ҳар куни янги воқеалар ҳақида хабар бермоқда. Буларга мисол тариқасида, вирусли дастурларни тарқатиш, паролларни бузиб кириш, кредит карта ва бошқа банк реквизитларидаги маблағларни ўзлаштириш талон-торож қилиш, шунингдек, интернет орқали қонунга зид ахборотларни тарқатиш кабиларни келтириш мумкин.
Мутахассислар таъкидлаганидек, айрим ҳолларда тижорат банклари номидан сохта қўнғироқлар ва ёлғон хабарлар орқали фуқароларнинг ишончига кириш, онлайн кредитларни расмийлаштириш каби фирибгарликлар учрамоқда. Шу сабабли ходимларнинг ҳушёрлигини ошириш ва мижозлар хавфсизлигини таъминлаш муҳим ҳисобланади.
Тадбир якунида иштирокчилар киберҳужумларнинг олдини олиш бўйича амалий маслаҳатлар ҳамда мавзуга оид саволларига жавоб олиш имкониятига эга бўлишди.
Банк Ахборот хизмати
Яна кўринг
Оққўрғон туманида меҳнат ярмаркаси ва ёшлар билан очиқ мулоқот ташкил этилди
Дам олиш кунлари ҳам ишлаймиз!
