Микрокредитбанкда коррупцияга қарши курашиш халқаро стандартларини жорий этиш мақсадида масъул халқаро консулътантлар ҳамда сертификатлаштирувчи ташкилотлар билан банкнинг коррупцияга қарши курашиш тизими ва халқаро стандартлар талабларига мувофиқлигини ҳар томонлама ўрганиш натижаларига асосан ИСО 37001:2016 «Коррупцияга қарши курашни бошқариш тизими» халқаро сертификати қўлга киритилди.
Бугун мазкур халқаро сертификатни топшириш учун банк Бош офисида тадбир ташкил этилди. Унда "CERT INTERNATIONAL” ташкилоти ИСО бўйича масъул аудитори Риад Ибрагимов ҳамда Коррупцияга қарши курашиш агентлиги масъул ходими Сардор Мамановлар ҳам иштирок этди.
Маълумки, Ўзбекистон Республикаси Президентининг 2021 йил 6 июлдаги «Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида»ги қарорига асосан Микрокредитбанк тизимида ҳам Коррупцияга қарши назорат департаменти ташкил этилган.
Мазкур департамент томонидан банк тизимида коррупциянинг олдини олишга қаратилган барча зарурий чораларни кўришга қаратилган кенг кўламли ишлар амалга оширилмоқда.
Жумладан, коррупцияга қарши ички назорат тузилмалари ташкил этилиб, уларнинг ваколат ва ҳуқуқлари, шунингдек, банкнинг бошқа бўлинмалари билан биргаликдаги ҳамкорлиги ички меъёрий ҳужжатлар билан аниқ белгилаб қўйилган.
Бундан ташқари мавжуд бўш иш ўринларига номзодларни очиқ танлов асосида ишга қабул қилиш амалиёти жорий этилди, банк эҳтиёжлари учун харидларни шаффоф тизим орқали амалга ошириш, ушбу жараёнда коррупциявий хатарларни аниқлаш ва бартараф этиш амалиётлари жорий қилинди.
Таъкидлаш керакки, банк фаолиятида коррупция ҳолатларининг юзага келиш эҳтимоли юқори бўлган кредитлаш амалиётларида, аҳоли ва тадбиркорлик субъектларига кўрсатилаётган банк хизматларини рақамлаштириш орқали инсон омилини камайтириш энг устувор вазифа қилиб белгиланган.
Йўқоридаги ишларимизнинг самараси улароқ Коррупцияга қарши курашиш агентлиги маълумотларига кўра, «Микрокредитбанк» АТБ 95 та давлат ташкилоти орасида коррупцияга қарши курашиш ишларининг самарадорлигини баҳолаш рейтинг натижаларига асосан 84 балл билан яшил рейтингда яхши кўрсаткичга эга бўлди.
Маълумот ўрнида шуни айтиб ўтиш жоизки, ходимларни малакасини ошириш ва уларга коррупцияга нисбатан муросасиз муносабатни шакиллантириш учун Банкнинг коррупцияга қарши курашиш тизимига халқаро стандартларни жорий қилиш мақсадида,
89 нафар банк ходимлари халқаро тренинг марказида ИСО 37001:2016 «Коррупцияга қарши курашни бошқариш тизими — талаблар ва қўллаш бўйича кўрсатмалар бўйича оъқитилди ва улар халқаро сертификатларга эга боълишди.
Банк тизимида коррупцияга қарши курашиш йоъналишида эътиборга молик ишлардан бири, мижозларга хизмат коърсатишда очиқлик ва шаффофликни таъминлаш, бу борада жамоатчилик билан самарали алоқани йоълга қоъйиш мақсадида 4 та алоқа канали ташкил этилган.
Дарҳақиқат, коррупция жамият учун катта ҳавф, шунинг учун ҳам юртимизда бу иллатга қарши тизимли кураш олиб борилмоқда. Микрокредитбанк тизимида меҳнат қилаётган ҳар бир ходимга ҳам коррупциянинг оқибатлари ҳақида мунтазам тарғибот-тавшиқот ишлари олиб борилмоқда.
Банк ахборот хизмати
