“Телеграм” ижтимоий тармоғидаги “Банкир кундалиги” каналида “Шерзодбек Интер Сервис” МЧЖ раҳбарининг Микрокредитбанкдан олган кредити таъминотини алмаштириш масаласида муаммога дуч келаётгани ҳақидаги мурожаати эълон қилинди.
Мурожаатда, 1 млрд 800 миллион сўм кредит таъминоти учун қўйилган Бухоро шаҳри, Т.Фароғий кўчасида жойлашган 74-уйнинг 11-хонадони ва 2021 йилда ишлаб чиқарилган “Kobolt” русумли автотранспорт воситасини тақиқдан чиқариб, ўрнига 2023 йилда ишлаб чиқарилган “Jetour” русумли автотранспорт воситасини қўймоқчилиги айтилган.
“Шерзодбек Интер Сервис” МЧЖга банк томонидан ажратилган кредит маблағи таъминоти учун тақдим этилган гаров мулкларини алмаштириш бўйича Бухоро вилоят минтақавий филиали томонидан жорий йилнинг 5 октябрида банк Бошқарувига мурожаат қилинган.
Хат жорий йилнинг 6 октябрь санасидан Кредитларни бошқариш департаментига гаров таъминотларини ўрганиб, Бош офис Кредит қўмитасига киритиш мақсадида ижро ва назорат учун ўтказилган.
Кредитларни бошқариш департаменти ходимлари томонидан ушбу мижознинг кредит тарихи ўрганилиб, ўрнатилган тартибда жорий йилнинг 13 октябрь санасида Бош офис Кредит қўмитаси муҳокамасига киритилди.
Банкнинг кредит йиғмажилдларини шакллантириш ва ҳужжатларни расмийлаштириш регламентига асосан, мижоз томонидан муддати ўтган қарздорликларни шу ойнинг 25 санасига қадар бартараф этиш шарти билан гаров таъминотларини алмаштиришга рухсат берилди.
Банк Ахборот хизмати
Яна кўринг
MKBANK PAYSEND халқаро пул ўтказмаси билан ҳамкорликни йўлга қўймоқда
“Микрокредитбанк” АТБ тизимида коррупциянинг олдини олиш чоралари янада кучайтирилмоқда
