Микрокредитбанк томонидан маҳаллалардаги тадбиркорликни ривожлантириш ва аҳоли бандлигини ошириш мақсадида янги молиявий хизматлар жорий этилди. Эндиликда маҳалла банкирлари орқали фуқаролар ва тадбиркорлар “Менинг маҳаллам” ҳамда “Ҳамроҳ” номли махсус кредит маҳсулотларидан фойдаланишлари мумкин.
“Менинг маҳаллам” кредити
Мазкур кредит ўзини ўзи банд қилган фуқаролар ҳамда тадбиркорликни бошлаётган шахслар учун мўлжалланган бўлиб, қуйидаги шартлар асосида ажратилади:
50 млн сўмгача (мол-мулк гаровисиз)
Кредит фоиз ставкаси 24% дан бошлаб
30 млн сўмгача бўлган қисми нақд пулда ёки тадбиркорлик субъектининг банк ҳисобварағига ўтказиш орқали ажратилади.
“Ҳамроҳ” кредити
Ушбу кредит камида бир йил давомида фаолият юритган ва ижобий кредит тарихига эга бўлган кичик ва ўрта тадбиркорлик субъектлари учун тақдим этилади. Бунда:
1,5 млрд сўмгача миқдорда ажратилади
Камида 2 та иш ўрни яратиш шарти билан 375 млн сўмгача, 5 та иш ўрни яратиш шарти билан 1,5 млрд сўмгача берилади
Кредит 84 ойгача муддатга, 24 ой имтиёзли давр билан тақдим этилади
Фоиз ставкаси 23,5% (Марказий банк ставкаси + 10%)
Бундан ташқари, ижтимоий аҳамиятга эга лойиҳаларни молиялаштириш учун кредит ставкаси қўшимча 2 фоизга пасайтирилган ҳолда ажратилиши ҳам мумкин. Бунга, хусусан, кам таъминланган ва ногиронлиги бўлган болаларни тарбиялаш ва ўқитиш билан боғлиқ лойиҳалар киради.
Микрокредитбанк ушбу янги кредит дастурлари орқали маҳаллаларда тадбиркорлик муҳитини янада ривожлантириш, иш ўринлари яратиш ва аҳолини молиявий қўллаб-қувватлашга хизмат қилишини маълум қилади.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
