Бухоро шаҳрининг “Дилкушо” маҳалласида замонавий кўринишга эга, янги маскан — хусусий болалар боғчаси иш бошлади.
Мазкур муассаса маҳаллий тадбиркор Шахноза Муродова томонидан Микрокредитбанкнинг молиявий кўмагида ташкил этилди.
Ўзбекистон Республикаси Президентининг оилавий тадбиркорликни ривожлантириш ва аҳолининг бизнес ташаббусларини молиялаштиришга доир қарори асосида банк томонидан ушбу лойиҳа учун 300 миллион сўм миқдорида имтиёзли кредит ажратилган бўлиб, маблағлар боғчани замонавий жиҳозлашга йўналтирилган.
2025 йил сентябрь ойида ишга тушган 50 ўринли боғчада бугун 25 нафарга яқин болажон тарбияланмоқда. Боғчада болаларнинг соғлом ва ҳар томонлама ривожланиши учун барча шарт-шароит яратилган.
Айниқса, ясли ёшидаги болажонлар учун ҳам алоҳида тарбиячилар ажратилгани, ота-оналарнинг бу масканга бўлган ишончи ортаётганидан далолатдир.
Микрокредитбанк таълим-тарбия масканларини ривожлантиришга ҳисса қўша оладиган тадбиркорларни молиявий қўллаб-қувватлашда давом этади.
Банк Ахборот хизмати
Яна кўринг
МКБАНК “ZAAMIN ULTRA” 2026да!
МКБАНКдан — Онлайн Эскроу хизмати!
Эндиликда мижозлар банк бўлимларига ташриф буюрмасдан туриб, масофадан эскроу ҳисобварағини очишлари ва уни бошқаришлари мумкин.
