Кеча, 12-сентябрь куни “Ўзбекистон темир йўллари” акциядорлик жамиятининг маданият саройида Оила ва хотин-қизлар давлат қўмитаси хотин-қизлар масалалари бўйича бошланғич ташкилот раисларининг “Aёлга саодат беринг” номли ижтимоий роликлар танловининг тақдирлаш маросими ўтказилди. Унда “Микрокредитбанк” АТБ ходимлари ҳам иштирок этишди.
“Янги Ўзбекистонда ел азиз, инсон азиз” деган бош ғояни ўзида мужассам этган мазкур танлов жамиятдаги қанча-қанча ижтимоий ҳимояга муҳтож хотин-қизларни қамраб олиш ва уларнинг оилаларига ёрдам бериш мақсадида ташкил этилди.
Маросимда қатор вазирлик, идора ва ташкилотларда фаолият юритаётган хотин-қизлар иштирок этди. Унда сўзга чиққан бош вазир ўринбосари — Оила ва хотин-қизлар давлат қўмитаси раиси Зулайҳо Маҳкамова аёлларнинг оиладаги ўрни, фарзандлар тарбияси борасидаги фидойилигини эътироф этиш асносида эл-юрт равнақига қўшаётган ҳиссасини ғурур билан тилга олди.
Тадбирда иштирок этаётган хотин-қизлар жамиятимизнинг шундай фаол шахслари сифатида барчага ўрнак эканликларини таъкидланди.
Тадбирда рағбатлантирувчи ўринлардан бирини “Микрокредитбанк” АТБнинг хотин-қизлар масалалари бўйича бошланғич ташкилот аъзолари қўлга киритишди.
Танловнинг бош мукофоти — Гран-при эса Мудофаа вазирлигига насиб қилди. Ғолиблар махсус диплом ва қимматбаҳо совға билан тақдирланди.
Банк Aхборот хизмати
Яна кўринг
МКБАНК раҳбарияти “Долзарб 40 кунлик” доирасида маҳаллаларни ўрганди
Аниқланган масалаларни ҳал этишда банкнинг ҳудудий бўлинмалари ҳамда “маҳалла еттилиги” билан ҳамкорликни янада кучайтириш бўйича тегишли вазифалар белгиланди.
“МУСТАҚИЛЛИК ВА МЕН” — РАСМЛАР ТАНЛОВИГА МАРҲАМАТ!
Танловда 6–11 ёшдаги банк ходимларининг фарзандлари иштирок этиши мумкин.
