Kecha, 12-sentabr kuni “Oʻzbekiston temir yoʻllari” aksiyadorlik jamiyatining madaniyat saroyida Oila va xotin-qizlar davlat qoʻmitasi xotin-qizlar masalalari boʻyicha boshlangʻich tashkilot raislarining “Ayolga saodat bering” nomli ijtimoiy roliklar tanlovining taqdirlash marosimi oʻtkazildi. Unda “Mikrokreditbank” АTB xodimlari ham ishtirok etishdi.
“Yangi Oʻzbekistonda el aziz, inson aziz” degan bosh gʻoyani oʻzida mujassam etgan mazkur tanlov jamiyatdagi qancha-qancha ijtimoiy himoyaga muhtoj xotin-qizlarni qamrab olish va ularning oilalariga yordam berish maqsadida tashkil etildi.
Marosimda qator vazirlik, idora va tashkilotlarda faoliyat yuritayotgan xotin-qizlar ishtirok etdi. Unda soʻzga chiqqan bosh vazir oʻrinbosari — Oila va xotin-qizlar davlat qoʻmitasi raisi Zulayho Mahkamova ayollarning oiladagi oʻrni, farzandlar tarbiyasi borasidagi fidoyiligini eʼtirof etish asnosida el-yurt ravnaqiga qoʻshayotgan hissasini gʻurur bilan tilga oldi.
Tadbirda ishtirok etayotgan xotin-qizlar jamiyatimizning shunday faol shaxslari sifatida barchaga oʻrnak ekanliklarini taʼkidlandi.
Tadbirda ragʼbatlantiruvchi oʼrinlardan birini “Mikrokreditbank” АTBning xotin-qizlar masalalari boʻyicha boshlangʻich tashkilot aʼzolari qoʼlga kiritishdi.
Tanlovning bosh mukofoti — Gran-pri esa Mudofaa vazirligiga nasib qildi. Gʻoliblar maxsus diplom va qimmatbaho sovgʻa bilan taqdirlandi.
Bank Axborot xizmati
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
