Ўзбекистон Республикаси Президентининг 2021 йил 21 апрелдаги “Ёшлар саноат ва тадбиркорлик зоналари фаолиятини ташкил этиш ҳамда ёшларнинг тадбиркорликка оид ташаббусларини қўллаб-қувватлаш чора-тадбирлари тўғрисида”ги ПҚ-5088-сонли қарори билан ташкил этилган Ёш тадбиркорларни қўллаб-қувватлаш жамғармаси маблағлари ҳисобидан 2021-2024 йиллар давомида “Микрокредитбанк” АТБ томонидан 114 нафар ёш тадбиркорлар лойиҳалари учун 118,6 млрд. сўм эквиваленти миқдоридаги кредит маблағлари ажратилган.
Мазкур жамғарма Ўзбекистон Республикаси Президентининг 2025 йил 14 февралдаги “Ёшлар тадбиркорлигини ҳамда уларнинг бандлигини таъминлашга қаратилган бизнес лойиҳаларни қўллаб-қувватлаш тизимини такомиллаштириш чора-тадбирлари тўғрисида”ги ПҚ-60-сонли қарори билан Инвестициялар, саноат ва савдо вазирлигининг Ёш тадбиркорларни қўллаб-қувватлаш жамғармаси негизида Ёшлар ишлари агентлиги ҳузурида давлат муассасаси шаклида Ёшлар тадбиркорлигини ривожлантириш давлат мақсадли жамғармаси сифатида қайта ташкил этилди.
Куни кеча “Микрокредитбанк” АТБ Бошқарув раиси ўринбосари И.Джуманиязов ҳамда Ёшлар тадбиркорлигини ривожлантириш давлат мақсадли жамғармаси ижрочи директори Шахзод Омонов ўртасида учрашув бўлиб ўтди. Очиқ ва самимий ўтган мулоқот Ёшлар тадбиркорлигини ривожлантириш давлат мақсадли жамғармаси ҳисобидан молиявий ресурс тақдим этиш тўғрисидаги БК-2/2025-сонли бош келишув имзоланиши билан якунланди.
Мазкур келишув ёшлар тадбиркорлигини қўллаб-қувватлаш, микро-молия хизматлари кўрсатиш ҳамда ёшлар учун билим ва кўникмаларни ривожлантириш йўлидаги ҳамкорликни кучайтиришга қаратилганлиги билан аҳамиятлидир.
Ҳамкорлик бўйича келишув ёшларнинг бизнес ташаббусларини қўллаб-қувватлаш, инновацион ғояларини ҳаётга татбиқ этиш ва тадбиркорлик муҳитини янада ривожлантиришга хизмат қилади, - дейди “Микрокредитбанк” АТБ Бошқарув раиси ўринбосари И.Джуманиязов.
Таъкидлаш керакки, БК-2/2025-сонли бош келишуви “Микрокредитбанк” АТБ ва Ёшлар ишлари агентлиги ўртасидаги ҳамкорликни янада кучайтиради, ёшлар учун янги имкониятлар яратади ва бизнес дунёсидаги иқтидорли ёшларга йўл очади.
Банк Ахборот хизмати
Яна кўринг
Арнасойда аҳоли даромадини оширишга қаратилган лойиҳалар кенгайтирилмоқда
Китоб ўқиш соати: асар ва тафаккур уйғунлиги
Тадбирнинг яна бир қизиқарли жиҳати — иштирокчиларнинг ўзларини таъсирлантирган, уларда чуқур таассурот қолдирган парчаларни ўқиб беришлари бўлди.
