"Микрокредитбанк" АТБ томонидан 2023 йилда амалга оширилган ишлар мавзусида Матбуот анжумани ўтказилди

Жорий йилнинг 19 март куни Миллий матбуот марказида Микрокредитбанк АТБ томонидан 2023 йил давомида амалга оширилган ишлар ва эришилган натижаларга бағишланган навбатдаги Матбуот анжумани бўлиб ўтди. Унда Бошқарув раисининг биринчи ўринбосари А.Хамидов, журналист ва блогерлар иштирок этди.

Матбуот анжуманида А.Хамидов банкнинг 2025 йилгача ривожлантириш стратегияси бўйича ишлаб чиқилган «Йўл харитаси»да белгиланган чора-тадбирлар ижросининг таъминланиши натижасида 2023 йилда қуйидаги ижобий кўрсаткичларга эришилганини таъкидлаб ўтди.

Жумладан:
банк капитали қарийб 4 трлн. сўмга; 
умумий активлар 12 фоизга ошиб, 19 трлн. сўмга; 
кредит портфелини 1,5 трлн.сўмга ошишига эришилди;
банкдаги умумий депозитлар қолдиғи 6,3 трлн.сўмга етган ҳолда 2023 йилда 900,0 млрд.сўмлик қўшимча маблағ жалб қилинди.

Ҳисобот даврида банк томонидан, АҚШ, Европа, Япония, Саудия Арабистони хамда Жаҳон банки гуруҳига кирувчи молия институтлари билан тузилган 12 та шартномага асосан 250,2 млн.доллар маблағлари жалб қилинди. 

Жалб қилинган ресурслар ҳисобидан барча молиялаштириш манбалари бўйича ўтган йилда 184 427 нафар мижозга 5,1 трлн. сўм кредит ажратилиб, қарийб 99 169 та янги иш ўринлари яратилди.

Ҳудудларни ижтимоий-иқтисодий ривожлантириш дастури доирасида 2023 йилда 4,4 трлн.сўм (1,8 трлн.сўм банк кредити) қийматдаги 859 та лойиҳалар ишга туширилди ва натижада 11 897 та янги иш ўринлари яратилди.

Банкка бириктирилган паррандачилик соҳасини молиявий қўллаб-қувватлаш учун 152 млрд. сўм кредитлар ажратилиб 279 та паррандачилик корхоналари (йиллик 1 571 млн.дона тухум, 68 367 тонна гўшт, 241 460 тонна озуқа-ем маҳсулотлари ишлаб чиқариш қувати яратилди, 1 305 та янги иш ўринлари яратилди) фаолиятининг узлуксизлиги таъминланди. 

Умумий ҳисобда банкнинг молиявий кўмаги ҳисобига 2023 йилда 10 942 та янги тадбиркорлик субъектлари пайдо бўлди.

Банкда кредитлар ажратиш билан бирга, аввал ажратилган кредитларнинг қайтарилишига ҳам алоҳида эътибор қаратилди. Хусусан, кредит шартномаларига асосан 2023 йилда қайтарилиши лозим бўлган 4,4 трлн. сўм кредит тўловлари ундирилди, шундан 1,6 трлн. сўми оилавий тадбиркорлик йўналишида ажратилган кредитлар ҳиссасига тўғри келади.

Матбуот анжумани давомида журналист ва блогерлар томонидан берилган саволларга атрофлича жавоблар ҳам берилди.

Банк Ахборот хизмати