Давлатимиз раҳбарининг 2025 йил 2 февралдаги “Олий таълим ташкилотлари битирувчиларининг ишга жойлашишига кўмаклашиш бўйича қўшимча чора-тадбирлар тўғрисида”ги Қарорида ёшларнинг бандлигини таъминлаш, уларнинг меҳнат бозорига интеграциясини кучайтириш, шунингдек, хусусий сектор ва тижорат банклари иштирокида кадрлар тайёрлаш жараёнини такомиллаштириш бўйича аниқ вазифалар белгиланган.
Жорий йилнинг 8 август куни Президентимиз раислигида бўлиб ўтган кенгайтирилган йиғилишда ҳам олий таълим муассасалари битирувчиларининг бандлигини таъминлаш юзасидан муҳим кўрсатмалар берилди.
Мазкур топшириқлар ижросини таъминлаш мақсадида “Микрокредитбанк” АТБ томонидан битирувчи ёшларни ишга қабул қилиш ва уларни касбий тайёргарликка йўналтириш бўйича амалий ишлар олиб борилмоқда.
Kuni kecha “Mikrokreditbank” ATB Xorazm viloyat hududiy boshqarmasida Urganch davlat universiteti Ijtimoiy-iqtisodiy fanlar fakulteti talabalari va bitiruvchilari uchun suhbat hamda test sinovlari tashkil etildi.
Онлайн тарзда ўтказилган тест синовларида 18 нафар битирувчилар иштирок этди. Саралаб олинган 5 нафар ёшлар Микрокредитбанкнинг Хоразм вилоят ҳудудий бошқармаси ҳамда шаҳар ва туманлардаги БХМларда малака ошириш имкониятига эга бўлдилар.
Микрокредитбанк ёш мутахассисларни қўллаб-қувватлаш, уларнинг касбий ривожланиши ва банк соҳасида муносиб ўрин эгаллаши учун республикамизнинг бошқа ҳудудларида ҳам бу каби амалий тадбирларни эттиради.
Банк Ахборот хизмати
Яна кўринг
Тарихий қадам: MIGA кафолати остида халқаро инвестицияларни жалб қилинди
