Микрокредитбанк халқаро майдондаги ҳамкорликни янада мустаҳкамлаш йўлида муҳим ташаббусни амалга оширди. Жорий йилнинг 3-4-апрел кунлари Самарқанд шаҳрида ўтказилган "Марказий Осиё - Европа Иттифоқи" биринчи саммити доирасида “Микрокредитбанк” АТБ Европа Инвестиция Банки билан меморандум имзолади.
Таъкидлаш керакки, Европа Инвестиция Банки билан ҳамкорлик Микрокредитбанкнинг халқаро майдондаги ишончлилигини ошириб, уни глобал инвесторлар учун янада жозибадор молиявий институтга айлантиради. Бу эса банк учун янги стратегик шериклик имкониятларини очади.
Шунингдек, "Микрокредитбанк" АТБ ушбу меморандум орқали ЭСГ (Екологик, Ижтимоий ва Корпоратив бошқарув) тамойилларига мувофиқ фаолият юритиш борасидаги саʼй-ҳаракатларини кучайтиради. Банк томонидан барқарор ривожланишга қаратилган молиявий маҳсулотлар ва хизматлар таклиф этилиши, минтақадаги экологик ва ижтимоий барқарорликка ижобий таʼсир кўрсатиши кутилмоқда.
Меморандум Микрокредитбанк учун Европа Иттифоқи ҳукуматлари ва халқаро донор ташкилотлари билан ҳамкорликда турли лойиҳаларни амалга ошириш имконини тақдим этади.
Бундай ташаббуслар банкнинг халқаро ҳамкорлар билан янада яқин ишлашига, янги молиявий дастурларда иштирок этишига йўл очади.
Банк Ахборот хизмати
Яна кўринг
Тарихий қадам: MIGA кафолати остида халқаро инвестицияларни жалб қилинди
