2026 йил 12-октябрь куни “Микрокредитбанк” АТБ Бош офисида YUTONG HONGKONG LIMITED вакиллари билан учрашув бўлиб ўтди.
Учрашувда Банк мижозлари томонидан Yutong автобуслари ва тижорат транспорт воситаларини харид қилишни молиялаштириш, жумладан, Хитой юанида (CNY) кредит линиясини жалб қилиш масалалари муҳокама қилинди.
Шунингдек, Yutong билан воситачи банкларсиз тўғридан-тўғри ҳамкорлик қилиш ҳамда China Development Bank билан ҳамкорлик истиқболлари кўриб чиқилди.
Мазкур лойиҳа Банкнинг маҳсулотлар қаторини кенгайтириш, корпоратив мижозлар ва кичик ҳамда ўрта бизнесни молиялаштириш ҳажмини ошириш имконини беради.
Учрашув якунида томонлар Махфийлик тўғрисидаги битим (NDA) ва Ҳамкорлик меморандумини имзоладилар.
Томонлар лойиҳани қўллаб-қувватлашларини билдириб, битимни 2026 йил якунига қадар амалга оширишга тайёр эканликларини тасдиқладилар.
Банк Ахборот хизмати
Яна кўринг
Фирибгарлар фаол бўлиши мумкин — эҳтиёт бўлинг!
Мижозлар билан очиқ мулоқот:МКБАНК алоқа каналлари орқали келиб тушган мурожаатларни таҳлил қилди
