Юртимиздаги тижорат банклари орасида биринчи бўлиб, “Микрокредитбанк” АТБ мижозларга янада қулай ва тезкор хизматлар тақдим этиш мақсадида инновацион маҳсулот — омонат карталарини амалиётга татбиқ этди.
Эндиликда ан’анавий омонат дафтарчалари ўрнини рақамли шаклдаги замонавий омонат картаси эгаллайди.
УЗКАРД тизими орқали ишлайдиган ушбу карта орқали мижозлар банкка бормасдан, масофадан туриб барча омонат амалиётларини бажариш имкониятига эга бўлишади. “Маврид” мобил иловаси билан интеграция қилинган хизмат орқали фоизлар автоматик ҳисобланади ва мижоз ҳар қандай вақтда фоизларни ечиб олиши мумкин.
Омонат картаси нафақат қулайлик, балки тежамкорликни ҳам та’минлайди: банк ходимлари энди ҳар ой қоғозда фоиз ёзиб бермайди, мижозлар эса дафтарча йўқотиб қўйиш ёки навбатда туриш муаммосидан халос бўлади.
Картанинг афзалликлари:
Амал қилиш муддати - 5 йил
Омонатнинг муддати - 2 йилгача
Энг кам миқдори - 1 000 000 сўм
Йиллик фоиз ставкаси - 21%
Унутманг, Омонат карта бир вақтда фақат битта омонат бўйича расмийлаштирилади ва бунда П2П орқали кирим қилишда хизмат кўрсатилмайди.
Ушбу янгилик мижозларга йўналтирилган хизмат кўрсатиш тамойилининг амалий ифодаси бўлиб, банк хизматларининг самарадорлигини оширади.
МКБАНКдан Омонат карта очинг ва унинг қулайликларини яқинларингизга ҳам тавсия қилинг.
Банк Ахборот хизмати
Яна кўринг
МКБАНК раҳбарияти “Долзарб 40 кунлик” доирасида маҳаллаларни ўрганди
Аниқланган масалаларни ҳал этишда банкнинг ҳудудий бўлинмалари ҳамда “маҳалла еттилиги” билан ҳамкорликни янада кучайтириш бўйича тегишли вазифалар белгиланди.
“МУСТАҚИЛЛИК ВА МЕН” — РАСМЛАР ТАНЛОВИГА МАРҲАМАТ!
Танловда 6–11 ёшдаги банк ходимларининг фарзандлари иштирок этиши мумкин.
