Мингбулоқ туманида Микрокредитбанк Бошқарув раиси ўринбосари Иброҳим Мамаджанов иштирокида ҳудуддаги тадбиркорлик субъектлари вакиллари ҳамда фуқаролар билан учрашув ўтказилди.
Унда тумандаги 23 та тадбиркорлик субъектлари ва 45 нафар фуқаролар иштирок этиб, ўзларини қизиқтирган саволларига мутасаддилардан жавоб олишди.
Жумладан, тадбир давомида 4 нафар фуқаронинг масаласи жойида ҳал қилинди ва қолган мурожаатлар юзасидан чора-тадбир ишлаб чиқилиб, масъул ижрочилар белгилаб олинди.
Учрашувда кўтарилган масалалар ўрганилиб, тегишли тижорат банкларига йўналтирилди.
Мисол учун, “Қўғоликул” МФЙда фаолият юритувчи ЯТТ “Имомназаров Худойназар Комилжонович” раҳбари томонидан донни қайта ишлаш фаолиятини ривожлантириш мақсадида 100 млн. сўм кредит олиш ҳақидаги мурожаати ҳамда “Мустакиллик” МФЙда фаолият юритувчи ЯТТ “Жалолидинова Шахноза” томонидан миллий ширинликлар, нон ва нон маҳсулотлари ишлаб чиқаришни кенгайтириш мақсадида 100 млн. сўмгача гаровсиз кредит сўраб қилган мурожаати юзасидан “Бизнесни ривожлантириш банки”нинг ресурс маблағи ҳисобидан гаровсиз кредит ажратиш бўйича келишиб олинди.
Шунингдек, “Ойбек” МФЙда фаолият юритувчи ЯТТ “Солиев Азизбек” раҳбари томонидан музқаймоқ ишлаб чиқариш фаолиятини йўлга қўйиш мақсадида 25 млн. сўм имтиёзли кредит маблағи ажратиш масаласи ўрганилиб, ҳоким ёрдамчиси тавсиянома бергандан сўнг тартиб асосида кредит ажратиб берилишига келишиб олинди.
Маълумот учун, бу каби учрашувлар бугун Давлатобод туманидаги Микрокредитбанк биносида ҳамда Тошбулоқ туманидаги “Шўрқишлоқ” МФЙ биносида ўтказилади.
Банк Ахборот хизмати
Яна кўринг
МКБАНКнинг "Bank of China"да тўғридан-тўғри корреспондентлик ҳисобварағи очилди
