Ижтимоий тармоқларнинг бирида Сирдарё вилояти Бахт шаҳрида истиқомат қилувчи фуқаро Гулчинор Умрзоқова «Турмуш ўртоғим иш бошлаши учун кредит ололмаяти» мазмунида мурожаат йўллаб, унда «Микрокредитбанк» АТБ Сирдарё вилоят бўлими томонидан кредит ажратилмаётганлигини билдирган. Ушбу мурожаат юзасидан қуйидагиларни маълум қиламиз.
Ҳақиқатан ҳам, фуқаро Г.Умрзоқова Тинчлик МФЙ ҳоким ёрдамчиси З.Ахмедовга имтиёзли кредит олиш учун ариза билан мурожаат қилган. «оилакредит.уз» платформаси орқали фуқаронинг шахсини тасдиқловчи ҳужжати ва яшаш манзили бўйича бир неча марта электрон сўров юборилганда, унинг аризаси рад этилган.
Маълум бўлишича, фуқаро турмуш ўртоғи К.Умрзоқов билан тенг шерикчилик асосида «Узум маркет» орқали қиймати 2 миллион 400 минг сўмлик бир дона уяли алоқа воситаси харид қилиб, 1 марта бир ойлик тўловни 90 кундан кечиктириб амалга оширган. Бу ҳолатда Ўзбекистон Республикасининг «Кредит ахбороти алмашинуви тўғрисида»ги Қонунига асосан, 60 ой муддат давомида мижозга кредит ажратиш тақиқланади.
Шунингдек, фуқаролар — Г.Умрзоқова ва У.Умрзоқовнинг ҳам кредит тарихида муаммо юзага келганлиги (ёмонлашгани) сабабли, скоринг натижаларига асосан, уларнинг аризаси рад этилган. Ушбу ҳолат банк ходимлари томонидан фуқарога суҳбат баёни давомида қайтадан тушунтирилди.
Шу ўринда мижозларга олган кредитларини муддатини кечиктирмасдан ўз вақтида тўлаб боришларини тавсия этамиз. Акс ҳолда яна қайта кредит олишга эҳтиёж туғилганида кредит тарихи бузилган ҳисобланади ва кредит олишда юқоридаги каби муаммолар келиб чиқади.
Банк Ахборот хизмати
Яна кўринг
Оққўрғон туманида меҳнат ярмаркаси ва ёшлар билан очиқ мулоқот ташкил этилди
Дам олиш кунлари ҳам ишлаймиз!
