“Микрокредитбанк” АТБ халқаро ҳамкорликни янада ривожлантириш ва мижозларга кўрсатилаётган хизматлар сифатини ошириш мақсадида, 2025 йил 2-октябрь куни евро (ЭУР)да АҚШнинг етакчи молиявий институти BNY Mellon банкида навбатдаги корреспондентлик ҳисоб рақамини очди.
Халқаро ҳисоб-китобларда қулайлик: EUR ҳисоб рақами орқали бошқа давлатлардаги ўзаро тўловлар янада тезкор ва самарали тарзда амалга оширилади.
Савдо-иқтисодий алоқаларни кенгайтириш: Еврода ҳисоб-китоблар Ўзбекистоннинг хорижий давлатлар билан савдо-иқтисодий ҳамкорлигини ривожлантиришга хизмат қилади.
Мижозлар учун қўшимча имкониятлар: Юридик ва жисмоний шахсларга халқаро молиявий хизматлардан фойдаланишда янги қулайликлар яратилади, бу эса уларнинг бизнес фаолиятини янада кенгайтиради.
Банкнинг халқаро нуфузини ошириш: Ушбу қадам “Микрокредитбанк” АТБнинг халқаро молия бозорида рақобатбардошлигини мустаҳкамлаш ҳамда дунёнинг йирик молиявий институтлари билан ҳамкорлик алоқаларини кенгайтиришга хизмат қилади.
“Микрокредитбанк” АТБнинг еврода корреспондентлик ҳисоб рақами очилиши банк мижозларига глобал молия тизимида янада кенг имкониятларни тақдим этиши билан бир қаторда, мамлакатимиз молия секторининг халқаро интеграциясини ҳам кучайтиради.
Эслатиб ўтамиз, “Микрокредитбанк” АТБ илк бор 2025 йилнинг март ойида BNY Меllon банкида АҚШ доллари (USD)да, шунингдек 2025 йилнинг август ойида Хитой юани (CNY)да корреспондентлик ҳисоб рақамини очган эди. Ҳозирда “Микрокредитбанк” АТБ ODDO BHF (Германия), Актиф Ятирим Банкаси А.С. (Туркия) каби кўплаб халқаро банкларда АҚШ доллари (USD), евро (EUR) ва бошқа валюталарда корреспондентлик ҳисобларига эга.
Банк Ахборот хизмати
Яна кўринг
“Камбағаллик билан ишлаш бўйича” мутлақо янги тизим жорий қилинади!
Янги ўқув йили — янги орзулар ва катта мақсадларнинг бошланиши!
Тадбирда сўзга чиққан М.Авазов барча ўқувчиларни, айниқса, мактаб остонасига илк бор қадам қўйган 1-синф ўқувчиларини янги ўқув йили билан табриклаб, уларга омад ва зафарлар тилади.
МКБАНК ходимлари юксак мукофот билан тақдирланди!
Банк Бошқарув Раиси эсдалик нишонларни ўз эгаларига топшираркан, уларнинг юртимиз равнақи ва тараққиёти ҳамда банк ривожига қўшаётган муносиб ҳиссаларини алоҳида эътироф этди.
